Resmi derekterge sensek bügınde Qazaqstanda 700 myŋǧa tarta mümkındıgı şekteulı tūrǧyn bar. Olardyŋ ışınde naryq zaŋdylyqtaryna qabılettı, qoǧamnyŋ damuyna yqpal ete alatyndarynyŋ sany mol. Atap aitqanda 58 paiyzy eŋbekke qabılettı. Demek, mümkındıgı şekteulı jandar öz erekşelıkterıne qaramastan Qazaqstan qoǧamynyŋ damuyna bır kısıdei at salysa alady. Būl baǧytta elımızde bırqatar tiımdı baǧdarlamalar da joq emes.
Qoǧamdaǧy mümkındıgı şekteulı jandardyŋ äleuetın arttyryp, äleumettık statusyn aiqyndau qaşan da maŋyzdy. Öitkenı olardyŋ basym bölıgınıŋ el damuyna qosar özındık ülesı bar. Mäselen, QR Eŋbek jäne halyqty äleumettık qorǧau vise-ministrı Oljas Ordabaev öz sözınde mümkındıgı şekteulı jandar üşın arnaiy kvota belgıleu mäselesıne toqtalady:
– Bırınşısı – mügedektıgı bar adamdar üşın jūmys oryndaryn kvotalau tetıgı. Būl talap boiynşa jūmys beruşıler bar jūmys oryndary sanynyŋ 2-den 4%-ǧa deiıngı mölşerde jūmys oryndarynda mügedektıgı bar adamdar üşın kvota belgılenedı. Osy baǧyt aiasynda ötken jyly mümkındıgı şekteulı 12,2 myŋ adam jūmysqa ornalastyryldy.Qazaqstan qoǧamyn damytu ürdısı jolynda jūdyryqtai jūmylyp, barlyq qoǧam müşelerın eŋbekke aralastyru üşın erekşe qajettılıkterı bar jandarǧa arnaiy eŋbek etetın oryndardy qūrudyŋ da äleumettık salmaǧy bar. Memleket mümkındıgı şekteulı jandar üşın jūmys ornyn üilestırıp, jabdyqtaǧan käsıpkerlerdıŋ şyǧyndaryn ötep berudı de qarastyryp otyr. Naqtyraq aitsaq, memleket qyzmet ūsynuşynyŋ şotyna 1 mln teŋgege deiın audarady.
QR Eŋbek jäne halyqty äleumettık qorǧau vise-ministrınıŋ habarlauynşa, arnaiy jūmys oryndaryna jūmysqa ornalasqan mügedektıgı bar adamdardyŋ jalaqysy 3 jyl ışınde subsidiialanady. Mäselen, bırınşı jyly memleket jalaqynyŋ 70%-yn, ekınşı jyly – 65%-yn, üşınşı jyly 60%-yn subsidiialaidy.Būdan bölek, mümkındıgı şekteulı jandardy qoldaudy Ūlttyq jobany ıske asyrudyŋ maŋyzdy baǧyty retınde qarastyruǧa da nazar audarylǧan. Memleket granttar taǧaiyndap, erekşelıkterı bar jandarǧa basymdyq berudı közdeidı. Biylǧy jylǧy halyqtyŋ osal toptaryna, sonyŋ ışınde erekşe qajettılıkterı bar adamdarǧa jäne mügedektıgı bar balalary bar ata-analarǧa artyqşylyq berıledı. Ötınış enbek.kz saity arqyly qabyldanady. Qoryta aitsaq, qazırdıŋ özınde mügedektıgı bar bala tärbielep otyrǧan 286 ata-analar baǧdarlamanyŋ igılıgın körıp ülgergen. Al erekşelıgı bar 481 adam memleket tarapynan özınıŋ asyl armany men josparyn jüzege asyru üşın grant alǧan.
Dastan Qastai
"Adyrna" ūlttyq portaly
Ūqsas jaŋalyqtar
