Qazaqstan migranttar üşın qonys audaryp, ömır süruge eŋ qolaily TMD elderı reitingınde köş bastady. Amerikalyq Remitly kompaniiasy daiyndaǧan Immigration Index 2026 halyqaralyq zertteuıne säikes, respublika postkeŋestık keŋıstıktegı memleketter arasynda bırınşı orynǧa şyqty, dep habarlaidy «Adyrna» tılşısı.
Älemnıŋ 82 elın qamtyǧan jahandyq reitingte Qazaqstan 53-orynǧa ie bolyp, öŋırdegı barlyq körşı eldı basyp ozdy. Odan keiın Moldova (56-oryn), Äzerbaijan (66-oryn), Armeniia (74-oryn) jäne Özbekstan (75-oryn) ornalasqan. Al Resei, Belarus, Qyrǧyzstan, Täjıkstan jäne Ukraina zertteuge engızılmegen.
Reiting avtorlary elderdı 16 sanatqa bırıktırılgen 34 körsetkış boiynşa baǧalaǧan. Negızgı kriteriiler qatarynda qauıpsızdık, densaulyq saqtau men bılım beru sapasy, ekologiialyq ahual, jūmyspen qamtylu mümkındıkterı, ömır süru qūny, tūrǧyn üidıŋ qoljetımdılıgı, qoǧamdyq kölıktıŋ damuy, sondai-aq otbasylar men migranttarǧa jasalǧan jaǧdailar bar.
Remitly kompaniiasynyŋ mälımetınşe, indekstı äzırleu barysynda ekonomikalyq körsetkıştermen qatar, eldegı jaily ömır süru deŋgeiı, qauıpsızdık jäne köşıp keluşılerdıŋ ūzaq merzımdı beiımdelu mümkındıkterı de eskerılgen.
Älemdık reitingtıŋ köşın Şveisariia bastady. Degenmen, TMD elderı arasynda ömır süru men jūmys ısteu üşın el taŋdauda migranttar asa maŋyzdy dep sanaityn körsetkışterdıŋ jiyntyǧy boiynşa eŋ joǧary baǧa Qazaqstanǧa berıldı.
