Mümkındıgı şekteulı äielderdıŋ arasynda balaly bolyp, bır adamǧa ekınşı ömır syilap jatqan adamdar barşylyq. Alaida därıgerlerdıŋ arasynda mūndai adamdardyŋ balaly boluyna qarsy adamdar kezdesıp qalady. Mıne osyndai adamdarǧa Taraz qalasy mäslihatynyŋ deputaty ärı "Mügedekterdıŋ jastar qoǧamy" qoǧamdyq bırlestıgınıŋ töraiymy Äigerım Däuletbaeva qol ūşyn sozyp jatady.
Äigerım Maratbekqyzy özınıŋ jeke aralasuymen 2010 jyldan bastap Taraz qalasynda 20 bala düniege kelgennın aitady. Sondai-aq ol mümkındıgı şektelı analardyŋ balalary sap-sau bolyp tuylǧanyn eskerttı.
«Juyrda jiyrmasynşy bala düniege keldı. Özm perzenthanaǧa baryp, ary berı şapqylap jürıp säbidıŋ düniege äkeldık. Şyny kerek därıgerler mügedek ananyŋ balaly bolǧanyna kedergı bolyp jatady. Sebebı olar statistikany būzyp, jaǧdaidy qiyndatqysy kelmeidı. Mysaly denı sau adam aptasyna bır ret emhanaǧa baru kerek bolsa, al mügedek adam kün saiyn därıgerge qaralyp otyruy kerek. Eger mümkındıgı şekteulı ananyŋ balasy şetınep ketse, emhana men auruhananyŋ reitingısı tüsıp, joǧary jaqtan sögıs estidı. Sondyqtan da olar mümkındıgı şekteulı ananyŋ balaly bolǧanynan qaşady. Bıraq qūdaiǧa şükır soŋǧy 2-3 jyldan berı jaǧdai tüzelıp kele jatyr. Öitkenı därıgerler men barǧan kezde taǧy da aiqai-şu şyǧarady dep qaimyǧady. Juyrda bır qyzym bosanyp, besık toiyn jasadyq. Onyŋ közınen mäsele bolǧandyqtan balasynyŋ közı körmei qalama dep uaiymdap edık. Qūdaiǧa şükır kışkentai säbidyŋ köz janary jaqsy köretın bolyp şyqty», – deidı ol.
34 jastaǧy bırınşı top mügedegı Aqkenje Ahmetova ekı jyl būryn ūl bosanǧan bolatyn. Qolarbada otyratyn azamat mümkındıgım şekteulı dep qarap otyrmai
invataksi qyzmetınde dispetcher bolyp jūmys ısteidı.
«Ūlym qazır ekı jastan asty. 32 jasymda ūlymdy kötergen kezde, därıgerler tırkeuge almai qoidy. «Endı ne bolar eken?» dep jylap, qatty qinalǧan kezde Äigerım Maratbekqyzynyŋ kömegı tiıp, därıgerlerge män-jaidy tüsındırdı. Arnaiy tırkeuge alatyn uaqyt ötıp bara jatsa da, menı olar tızımge alǧysy kelmedı. Öitkenı mügedektıgı bar adamdardy bosandyru olar üşın problema bolyp sanalady. Erteŋ bızge bır qiyn jaǧdai bolsa, jauapkerşılıktı därıger arqalaidy. Ol kezde özım jaldamaly päterde tūramyn. Sondyqtan da därıgerler «Senıŋ tūratyn päterıŋ joq. Balany qalai baǧasyŋ?» dep ūrysty. Bıraq olardyŋ maǧan būlai aituǧa eşqandai qaqysy joq edı. Olardyŋ maǧan aitqan sözderı üşın sotqa beruıme bolar edı. Bıraq men olardy sotqa bergen joqpyn. Därıgerler mügedek adam ekı qabat bolsa, ony olar ersı köredı. Al sau adamdar ajyrasyp nemese 15-16 jasta tusa qalypty jaǧdai bolyp sanalady. Al men 18 jastan asqan adam bolsam da «Äke-şeşeŋdı şaqyryp kel, olar qolhat jazyp bersın» dep aitty. Allaǧa şükır ūlymnyŋ 12 müşesı sau, aqyl-esı bütın bolyp tuyldy. Därıgerler «Denı sau ma eken?» dep sausaqtaryn sanap tekserdı. Al mende balam «Sau tuylmaspa eken?» degen oi mülde bolǧan joq. Oraza aiynda tuylǧan soŋ atyn Ramazan dep qoidym. Bız siiaqty adamdarǧa balaly bolu odan saiyn jıgerlı bola tüsuge küş beredı. Byltyr ükımet Taraz qalasyndaǧy 15 möltek audannan ekı bölmelı päter berdı», – deidı ol.
Ūqsas jaŋalyqtar
