Qazırgı taŋda elımızde mümkındıgı şekteulı azamattardyŋ sanatyna jatatyn 700 myŋnan astam adam bar. Saiasi betbūrystarǧa baǧyt alǧan elımız äleumettık tūrǧyda az qamtylǧan jäne erekşe qajettılıgı bar azamattarǧa qoldau körsetude erekşe bersendılık tanytyp otyr. Mümkındıgı şekteuşı jandardy qoldau memleket saiasatyndaǧy negızgı basym baǧyttarynyŋ bırıne ainaldy.
El Prezidentı Qasym-Jomart Toqaev erekşe qajettılıgı bar azamattardy qoldau baǧytyndaǧy jūmystardy öz nazarynda ūstap, būl mäselege airyqşa män berıp keledı. Sebebı, mümkındıgı şekteulı azamattar üşın kedergısız qoǧam qalyptastyru – memlekettıŋ aldyna qoiǧan basty mındetterdıŋ bırı.
Jurnalist, Senat deputaty Bibıgül Jeksenbaidyŋ atuynşa, osy jyldyŋ qyrküiek aiynan bastap erekşe qajettılıgı bar azamattarǧa berıletın järdemaqynyŋ mölşerı 14,5%-ǧa artady. Sonymen qatar, mümkındıgı şekteulı azamattardy jan-jaqty qoldau maqsatynda Respublikalyq deŋgeidegı ülken ıs-şaralar ūiymdastyrylyp keledı.
Osy ıs-şaralardyŋ jalǧasy retınde Jaqsylyq Üşkempırov atyndaǧy jekpe-jek saraiynda üş kün boiyna Bochchadan Qazaqstan Respublikasy chempionaty ötken bolatyn. Şaraǧa elımızdıŋ 15 öŋırınen komandalar men olardyŋ jattyqtyruşylary keldı. Biylǧy jyly Bochcha sportyna degen qyzyǧuşylyqtyŋ artqanyn komandalar sanynyŋ anaǧūrlym köbeigenınen baiqauǧa bolady.
Sonymen qatar, Bibıgül Jeksenbai mūndai şaralardyŋ qoǧamdyq maŋyzdylyǧyn da erekşe atap ötedı:
Osyndai ıs-şaralar olardyŋ qoǧamdyq ortaǧa beiımdeluıne jäne qarym-qatynas jasau qabıletın jetıldıruge yqpal eterı anyq. Sol sebeptı, mūndai şaralarǧa memleket deŋgeiınde qoldau bıldırudıŋ maŋyzy erekşe. Atalǧan bastamalar “Salamatty Qazaqstan” jobasy aiasynda jüzege asyrylyp jatyr. Senat öz kezegınde osyndai igı ıs-şaralarǧa mūryndyq bolyp, zaŋdyq tūrǧyda qoldau bıldıruge daiyn, - deidı avtor.
Rasynda, qoǧamdaǧy maqsat-müddesı kez kelgen erekşelıgıne qaramai bırtūtas küşke ainalǧan memleket qana biık belesterdı eŋseredı. Quatty bolamyz desek, barlyq adamnyŋ qoǧamǧa qyzmet etuıne, damuyna jaǧdai jasaluy kerek. Äsırese, mümkındıgı şekteulı jandar qoǧamdyq qūrylym sebebımen müdırmeuı tiıs.
Dastan Qastai
Ūqsas jaŋalyqtar
