Múmkindigi shekteýli jandar múdirmeýi kerek

2878
Adyrna.kz Telegram
Qazirgi tańda elimizde múmkindigi shekteýli azamattardyń sanatyna jatatyn 700 myńnan astam adam bar. Saıası betburystarǵa baǵyt alǵan elimiz áleýmettik turǵyda az qamtylǵan jáne erekshe qajettiligi bar azamattarǵa qoldaý kórsetýde erekshe bersendilik tanytyp otyr. Múmkindigi shekteýshi jandardy qoldaý memleket saıasatyndaǵy negizgi basym baǵyttarynyń birine aınaldy.
El Prezıdenti Qasym-Jomart Toqaev erekshe qajettiligi bar azamattardy qoldaý baǵytyndaǵy jumystardy óz nazarynda ustap, bul máselege aıryqsha mán berip keledi. Sebebi, múmkindigi shekteýli azamattar úshin kedergisiz qoǵam qalyptastyrý – memlekettiń aldyna qoıǵan basty mindetterdiń biri.
Jýrnalıst, Senat depýtaty Bıbigúl Jeksenbaıdyń atýynsha, osy jyldyń qyrkúıek aıynan bastap erekshe qajettiligi bar azamattarǵa beriletin járdemaqynyń mólsheri 14,5%-ǵa artady. Sonymen qatar, múmkindigi shekteýli azamattardy jan-jaqty qoldaý maqsatynda Respýblıkalyq deńgeıdegi úlken is-sharalar uıymdastyrylyp keledi.
Osy is-sharalardyń jalǵasy retinde Jaqsylyq Úshkempirov atyndaǵy jekpe-jek saraıynda úsh kún boıyna Bochchadan Qazaqstan Respýblıkasy chempıonaty ótken bolatyn.  Sharaǵa elimizdiń 15 óńirinen komandalar men olardyń jattyqtyrýshylary keldi. Bıylǵy jyly Bochcha sportyna degen qyzyǵýshylyqtyń artqanyn komandalar sanynyń anaǵurlym kóbeıgeninen baıqaýǵa bolady.
Sonymen qatar, Bıbigúl Jeksenbaı mundaı sharalardyń qoǵamdyq mańyzdylyǵyn da erekshe atap ótedi:
Osyndaı is-sharalar olardyń qoǵamdyq ortaǵa beıimdelýine jáne qarym-qatynas jasaý qabiletin jetildirýge yqpal eteri anyq. Sol sebepti, mundaı sharalarǵa memleket deńgeıinde qoldaý bildirýdiń mańyzy erekshe. Atalǵan bastamalar “Salamatty Qazaqstan” jobasy aıasynda júzege asyrylyp jatyr. Senat óz kezeginde osyndaı ıgi is-sharalarǵa muryndyq bolyp, zańdyq turǵyda qoldaý bildirýge daıyn, - deıdi avtor.
Rasynda, qoǵamdaǵy maqsat-múddesi kez kelgen ereksheligine qaramaı birtutas kúshke aınalǵan memleket qana bıik belesterdi eńseredi. Qýatty bolamyz desek, barlyq adamnyń qoǵamǵa qyzmet etýine, damýyna jaǵdaı jasalýy kerek. Ásirese, múmkindigi shekteýli jandar qoǵamdyq qurylym sebebimen múdirmeýi tıis.
Dastan Qastaı
Pikirler