Memleket basshysynyń Jarlyǵymen Erlan Ábilfaıyzuly Ydyrysov úsh eldiń elshilik qyzmetinen bosatyldy. Bul týraly Aqorda málimdegen edi. Qazaq úni saıty Erlan Ydyrysov týraly derektermen bólisti.
Eske sala keteıik, osydan 20 jyl buryn, 2002 jyly sol kezdegi Syrtqy ister mınıstri Erlan Ydyrysov «Eger sizder meniń mıymdy aýystyrmasańdar, qazaq tilin úırena almaımyn» dep («Eslı vy mne ne pomenıaıte moı mozgı, mne kazahskıı ıazyk ne vyýchıt!») dep parlamentte málimdegen bolatyn.
Sol kezdegi qalǵyǵan parlament bul masqaraǵa da oıanǵan joq - “Qazaq tiline mıyń jetpese, qalaı Qazaq mınıstri bolasyń?”- dep aıtatyn bir depýtat tabylmady. Óıtkeni, ózderiniń de jartysyna jýyǵy memlekettik tilge mılary jetpeıtinder edi.
Aıtpaqshy, memlekettik tilge mıy jetpeıtinder parlamentte de, úkimette de, prezıdent ákishiliginde de, mınıstrlikter men ákimdikterde Táýelsizdigimizge 30 jyldan assa da, áli de jetkilikti…
Iaǵnı, memlekettik tilge mıy jetpeıtin mınıstrdi, búginde elshini ornynan alý 20 jyl keshigip shyqty. “Eshten kesh jaqsy” deımiz be, ádilettilik ornaǵany úshin QR Prezıdenti Q.Toqaevqa rahmet aıtamyz.
Endi uzaǵynan súıindirip, memlekettik tildi bilmeıtinderdi memlekettik qyzmetten bosatýdy jalǵastyrý kerek! Ádiletti Qazaqstan úshin!
Sonymen qatar, byltyr qarasha aıynda Qazaqstan Prezıdenti Qasym-Jomart Toqaev Syrtqy ister mınıstrliginiń keńeıtilgen alqa otyrysyna qatysyp, elshilerdiń eń aldymen memlekettik tildi bilýi kerektigin aıtyp, «Qazaqstan atynan shet memleketterde qyzmet istep júrgen dıplomattarymyz eń aldymen memlekettik tildi bilýi kerek» – dep, naqty tapsyrǵan edi.
“Adyrna” ulttyq portaly
