Qazaqstannyŋ Reseidegı elşısı Däuren Abaev TASS agenttıgıne bergen sūhbatynda Qazaqstan halqynyŋ şamamen 95 paiyzy orys tılınde söileitının aitty, dep habarlaidy "Adyrna" ūlttyq portaly.
Onyŋ aituynşa, būl – eldıŋ artyqşylyǧy.
– Qazaqstanda, şamamen, halyqtyŋ 95 paiyzy orys tılınde söileidı. Bız mūny özımızdıŋ küşımız dep sanaimyz. Ärine, bızdıŋ basymdyqtaǧy tılımız – memlekettık tıl, qazaq tılı. Onyŋ rölı jyl saiyn artyp keledı. Bıraq sonymen bırge, elde barlyǧynyŋ orys tılın bıluı – bız üşın ülken küş, būl bızdıŋ bäsekege qabılettılıgımızdı arttyrady, – dedı diplomat.
Abaevtyŋ mälımetınşe, Qazaqstandaǧy 7 myŋ mekteptıŋ şamamen 3 myŋynda bılım beru orys tılınde jürgızıledı. Būǧan qosa, ol barlyq mektepte orys tılın oqytu mındettı ekenın erekşe atap öttı.
– Orys tılı – Qazaqstan üşın bäsekege qabılettılık beretın tıl, – dedı elşı.
