پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا جوعارى ءبىلىم ساپاسىن ارتتىرۋ ماسەلەلەرى قارالدى، دەپ حابارلايدى "ادىرنا" سايتى.
پرەمەر-مينيستر جوعارى ءبىلىم سالاسىن دامىتۋ باعىتىندا كوپتەگەن جۇيەلى جۇمىستار اتقارىلىپ جاتقانىن اتاپ ءوتتى. زاڭنامالىق دەڭگەيدە ۋنيۆەرسيتەتتەرگە اكادەميالىق جانە باسقارۋشىلىق دەربەستىك بەرىلەدى. بۇل رەتتە، مامانداردى دايارلاۋ ساپاسىن ودان ءارى ارتتىرۋ، ستۋدەنتتەردى دايارلاۋ ساپاسىنا جوعارى وقۋ ورىندارىنىڭ جاۋاپكەرشىلىك تەتىكتەرىن ەنگىزۋ قاجەت، – دەلىنگەن primeminister.kz حابارلاماسىندا.
اتاپ وتىلگەندەي، ساپاسىز ءبىلىم بەرەتىن 15 جوعارى وقۋ ورنى جابىلىپ، ءبىلىم بەرۋ ناتيجەلەرىنە قويىلاتىن بىلىكتىلىك تالاپتارى ستۋدەنتتەردىڭ ءبىلىمىنىڭ قيماسى بويىنشا قايتا قارالدى.
تۇلەكتەردىڭ ءبىلىم دەڭگەيى نارىق پەن جۇمىس بەرۋشىلەردىڭ تالاپتارىنا ساي بولۋى كەرەك. ءتورتىنشى ونەركاسىپتىك رەۆوليۋتسيا جانە كەڭىنەن تارالعان تسيفرلاندىرۋ مۇلدەم جاڭا تاسىلدەر مەن داعدىلاردى تالاپ ەتەدى. ۇزدىكسىز ءبىلىم الۋ ءپرينتسيپىن جۇزەگە اسىرۋ ماڭىزدى.
اسقار مامين
ۇكىمەت باسشىسى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە، سونداي-اق «اتامەكەن» اەس-كە مامانداردى دايارلاۋ ساپاسى تاۋەلدى بولاتىن جاڭا كاسىبي ستاندارتتاردى جاڭارتۋ جانە ازىرلەۋ بويىنشا جۇمىستى كۇشەيتۋدى تاپسىردى.
پرەمەر-مينيستر تۇلەكتەردى سەرتيفيكاتتاۋدىڭ تاۋەلسىز جۇيەسىن ازىرلەۋ، كاسىپتەردىڭ ۇلتتىق كلاسسيفيكاتورىن جاڭارتۋ، قاشىقتىقتان وقىتۋ فورماتتارىن، ونىڭ ىشىندە جوعارى وقۋ ورىندارىندا زاڭنامالىق رەتتەۋ قاجەتتىگىن اتاپ ءوتتى.
ءبىلىم جانە عىلىم مينيسترلىگىنە 22 قاراشاعا دەيىن ءبىلىم بەرۋدى دامىتۋدىڭ 2025 جىلعا دەيىنگى تۇجىرىمداماسىندا قارجى، ۇلتتىق ەكونوميكا مينيسترلىكتەرىمەن، مۇددەلى مەملەكەتتىك ورگاندارمەن بىرلەسىپ جوعارى ءبىلىم ساپاسىن قامتاماسىز ەتۋدىڭ ناقتى شارالارى مەن كورسەتكىشتەرىن قامتاماسىز ەتۋ تاپسىرىلدى. جوو-لاردىڭ باسەكەگە قابىلەتتىلىگىن ارتتىرۋدىڭ 2021-2025 جىلدارعا ارنالعان جول كارتاسىن پىسىقتاپ، ۇكىمەتكە ۇسىنۋ.
مامين 20 مىقتى وڭىرلىك ۋنيۆەرسيتەتتى قۇرۋدى قارجىلاندىرۋ ماسەلەلەرىن پىسىقتاۋدى جانە پەتروپاۆل مەن شىمكەنتتە «نازارباەۆ ۋنيۆەرسيتەتى» سياقتى ەكى ۋنيۆەرسيتەت اشۋدى، ەكى ديپلومدىق باعدارلامالاردى ازىرلەۋ جانە وقىتۋشىلار مەن ستۋدەنتتەردىڭ اكادەميالىق ۇتقىرلىعىن ارتتىرۋ بويىنشا جۇمىستى جالعاستىرۋدى تاپسىردى.
ۇكىمەت باسشىسى ۋنيۆەرسيتەتتەردەگى عىلىمي زەرتتەۋلەردىڭ كولەمىن ۇلعايتۋ جانە جاستاردى عىلىمعا بەلسەندى تارتۋ بويىنشا ناقتى شارالارمەن عىلىم مەن جوعارى ءبىلىمنىڭ بىرىڭعاي تسيفرلىق پلاتفورماسىن قۇرۋدى پىسىقتاۋدى تاپسىردى.
"ادىرنا" ۇلتتىق پورتالى
