الماتى وبلىسى مەن الماتى بيلىگى مەگاپوليستى جەڭىلدەتۋ ءۇشىن بىرقاتار جوعارى وقۋ ورىندارىن قوناەۆقا بەرۋ ماسەلەسىن قاراستىرىپ جاتىر. الماتى وبلىسى اكىمىنىڭ ورىنباسارى ارسلان داندىباەۆ ستۋدەنتتەردىڭ وندىرىستىك تاجىريبەدەن وتۋىنە مۇمكىندىكتەر جاسالاتىنىن اتاپ ءوتتى، دەپ حابارلايدى “ادىرنا” ۇلتتىق پورتالى.
ء“بىزدىڭ ويىمىز – ۋنيۆەرسيتەتتەردى كوشىرۋ، قوسىمشا بىلىكتىلىك بەرەتىن جۇيەنى ۇيىمداستىرۋ ءۇشىن جاقسى كامپۋستار سالۋ قاجەت. سوندا ستۋدەنتتەر جارتى كۇن ەمىن-ەركىن وقي الادى، قالعان جارتى كۇندە وندىرىستە جۇمىس ىستەي الادى. بولاشاقتا ءبىز ورتا تەحنيكالىق ءبىلىمدى دامىتۋعا باسا نازار اۋداراتىن بولامىز. بىزدە ينجەنەرلەر، سانتەحنيكتەر مەن شەبەردى تابۋ قيىن”، – دەدى داندىباەۆ.
ودان بولەك، ول ستۋدەنتتەردىڭ وقۋى مەن تاجىريبەسى قالاي ۇشتاساتىنىنا دا توقتالدى.
“كىرپىش زاۋىتىن سالامىز، جالپى ۇلكەن قۇرىلىس الاڭى بولادى. قازىر الماتىدان ءوندىرىستى، يندۋستريالدى ايماقتاردى شىعارۋعا تىرىسىپ جاتىرمىز. قالانى جەڭىلدەتۋگە كومەك بەرۋ كەرەك. ال تۇرعىنداردى تۇراقتاندىرۋدى قولعا الۋ كەرەك. وسى قالادا تۇرىپ، جۇمىس ىستەۋگە قولايلى جاعداي جاساۋ قاجەت”، – دەدى داندىباەۆ.
ونىڭ ايتۋىنشا، الماتىدا ءومىر مەن باسپانانىڭ ايماققا قاراعاندا الدەقايدا قىمبات ەكەنىن ەسكەرسەك، جوعارى وقۋ ورىندارى مەن كوللەدجدەردىڭ وڭىرگە كوشىرىلۋى دە وڭ الەۋمەتتىك ناتيجە بەرۋى ءتيىس.
بۇعان دەيىن الماتىدا «سولتۇستىك»، «باتىس»، «وڭتۇستىك-باتىس»، «شىعىس قاقپاسى» جانە «تاريحي ورتالىق» اتاۋىمەن بەس پوليورتالىق پايدا بولاتىنى بەلگىلى بولعان. ولاردا قالا حالقىنىڭ كوپ بولىگى تۇرادى دەپ بولجانۋدا.
”ادىرنا” ۇلتتىق پورتالى
