تامىز ايىندا عىلىم جانە جوعارى ءبىلىم مينيسترلىگى 2026-2027 وقۋ جىلىنا ارنالعان مەملەكەتتىك ءبىلىم بەرۋ گرانتتارىنىڭ يەگەرلەرى ءتىزىمىن جاريالادى. بيىل 75 مىڭنان استام تالاپكەر ەلىمىزدىڭ جوعارى وقۋ ورىندارىندا تەگىن ءبىلىم الۋ مۇمكىندىگىنە يە بولدى. جالپى ءبىلىم بەرۋ گرانتتارىن تاعايىنداۋ كونكۋرسىنا شامامەن 127 مىڭ ءوتىنىش تۇسكەن بولاتىن. ال مەملەكەتتىك گرانت ۇتپاعان تۇلەكتەر ءۇشىن قانداي مۇمكىندىكتەر بار؟
JUZ40 EdTech كومپانياسىنىڭ جەتەكشى ۇستازى دۋلات مۇراتوۆ بۇل سۇراققا بىلاي جاۋاپ بەرەدى:
«مەملەكەتتىك گرانتتى ۇتپاعان وقۋشىلارعا ايتارىم، مۇڭايماڭىزدار. مەملەكەتتىك گرانتتان بولەك تۇلەكتەرىمىز ءۇشىن ەلىمىزدە ءتۇرلى ارنايى باعدارلامالار قاراستىرىلعان: اكىمدىك گرانتتار، ۋنيۆەرسيتەتتەردىڭ ىشكى گرانتتارى، «قازاقستان حالقىنا» قورى، سونداي اق ءىرى كومپانيالاردىڭ گرانتتارى. بيىل JUZ40 EdTech كومپانياسىنىڭ اتىنان 36 تۇلەك ەلىمىزدەگى ءىرى جوعارى وقۋ ورىندارىنا ىشكى گرانت ۇتىپ العان بولاتىن»، - دەيدى ول.
JUZ40 ءباسپاسوز دەرەككوزىنەن الىندى
ىشكى گرانت تاجىريبەسى
JUZ40 بىرنەشە جوو-مەن مەموراندۋمعا وتىرىپ، ءوز تۇلەكتەرىنە ارناپ ىشكى گرانت باعدارلاماسىن جۇزەگە اسىرىپ كەلەدى. مەملەكەتتىك گرانت ۇتپاعان وقۋشىلارعا تاعى ءبىر مۇمكىندىك بەرۋ - باعدارلامانىڭ باستى ماقساتى. بيىل جەتى ۋنيۆەرسيتەت - UIB, MetaU, ALT University, Energo University, قبتۋ، MNU جانە نارحوز - JUZ40 تۇلەكتەرىنە جالپى 45 ىشكى گرانت ءبولدى، ونىڭ 36-سى تولىق يگەرىلدى. بۇعان قوسا نارحوز ۋنيۆەرسيتەتى جەتى تۇلەككە وقۋ اقىسىنا جەڭىلدىك ۇسىندى. بۇل - ۋنيۆەرسيتەتتەردىڭ ارنايى JUZ40 تۇلەكتەرىنە بولگەن ىشكى گرانتى. وقۋشى گرانت يەگەرى بولۋ ءۇشىن JUZ40 EdTech كومپانياسى تۇلەگى بولىپ، ارنايى ءبىلىم تالاپتارىنا ساي بولۋى ءتيىس.
JUZ40 ءباسپاسوز دەرەككوزىنەن الىندى
تاعى قانداي مۇمكىندىكتەر بار؟
دۋلات مۇراتوۆ اتاپ وتكەندەي، ۋنيۆەرسيتەتتىڭ ىشكى گرانتى - جالعىز جول ەمەس. مەملەكەتتىك گرانت ۇتپاعان تۇلەكتەر تاعى بىرنەشە ناقتى باعىتتى قاراستىرۋى ءتيىس:
مەملەكەتتىك گرانت ۇتپاساڭىز، بۇل - مۇمكىندىكتىڭ سوڭى ەمەس. ۋنيۆەرسيتەتتەردىڭ ىشكى گرانتتارى، اكىمدىك گرانتتارى، قورلار مەن ءىرى كومپانيالاردىڭ ءبىلىم بەرۋ باعدارلامالارى - ناقتى جۇمىس ىستەيتىن جولدار.
