الماتى قالاسىنىڭ مەدەۋ جانە ناۋرىزباي اۋداندارىنداعى نازارباەۆ زياتكەرلىك مەكتەپتەرىنىڭ وقۋشىلارىنان قۇرالعان OGMA Racing كومانداسى سينگاپۋردا وتكەن Aramco STEM Racing™ World Finals 2026 حالىقارالىق جارىسىندا جوعارى ناتيجە كورسەتتى. قازاقستان اتىنان العاش رەت قاتىسقان كوماندا Best Newcomer Award («ۇزدىك جاڭا كوماندا») نوميناتسياسى بويىنشا ۇزدىك بەس ۇمىتكەردىڭ قاتارىنا ەندى.
الەمدىك فينالعا 36 ەلدەن 91 كوماندا قاتىستى. OGMA Racing قۇرامىندا جاسمين ءابدىلدا، ازامات ايمۇراتوۆ، اناستاسيا تسوي، ءادىلجان ارىستانبەك، دامير فازىلوۆ، اليحان قاليحان، جاڭگىر ەلەمەس جانە يبراھيم مۇقان بولدى. كوماندانى NIS-تەگى «تەحنوتوريا» ينجەنەرلىك زەرتحاناسىنىڭ مەڭگەرۋشىسى دۋلات بايتۇلەنوۆ دايىندادى.
STEM Racing – وقۋشىلاردىڭ ينجەنەرلىك جانە تەحنولوگيالىق قابىلەتتەرىن دامىتۋعا باعىتتالعان حالىقارالىق جارىس. قاتىسۋشىلار «فورمۋلا-1» بوليدتەرىنىڭ شاعىن ۇلگىلەرىن جوبالاپ، قۇراستىرادى جانە ارنايى تراسسادا جىلدامدىعىن سىنايدى. سونىمەن قاتار كوماندالاردىڭ ينجەنەرلىك شەشىمدەرى، جوبالاردى باسقارۋ داعدىلارى مەن تانىستىرىلىمدارى باعالانادى.
NIS وقۋشىلارى ءوز جوبالارىن حالىقارالىق ساراپشىلار الدىندا قورعاپ، ينجەنەرلىك ازىرلەمەلەرى مەن كوماندالىق جۇمىس ناتيجەلەرىن تانىستىردى. سونداي-اق ءتۇرلى ەلدەردەن كەلگەن جاس ينجەنەرلەرمەن تاجىريبە الماستى.
بۇل جەتىستىك قازاقستاندىق وقۋشىلاردىڭ ينجەنەريا مەن تەحنولوگيا سالاسىنداعى الەۋەتىن جانە ەلىمىزدەگى STEM-ءبىلىم بەرۋدىڭ حالىقارالىق دەڭگەيدەگى مۇمكىندىكتەرىن كورسەتتى.
ينكليۋزيۆتى ءبىلىم بەرۋ جانە ينفراقۇرىلىم: الماتى اۋداندارىندا جاڭا مەكتەپتەر مەن ورتالىقتار اشىلادى
