اۋعانستانداعى بيلىكتى باسىپ العان "تاليبان" قوزعالىسى قىزداردىڭ ۋنيۆەرسيتەتكە تۇسۋىنە تىيىم سالدى، دەپ جازادى "ادىرنا" ۇلتتىق پورتالى.
"ۇكىمەتتىڭ (تاليبان) شەشىمىنە سايكەس قىزدارعا كەلەسى بۇيرىققا دەيىن جوعارى ءبىلىم بەرۋگە تىيىم سالىنادى", - دەلىنگەن جوعارى ءبىلىم مينيسترلىگىنىڭ جارلىعىندا.
ەندىگارى اۋعانستان بيلىگى مەملەكەتتىك جانە جەكە ۋنيۆەرسيتەتتەردە قىز بالالاردى وقىتپايمىز دەپ شەشىم قابىلداپ، بۇيرىققا سايكەس ونى مۇمكىندىگىنشە تەزىرەك قولدانۋ جانە قابىلدانعان شارالار تۋرالى مينيسترلىككە حابارلاۋ قاجەت ەكەندىگى اتاپ وتىلگەن.
بۇل شەشىمگە حالىقارالىق دەڭگەيدە دەرەۋ جاۋاپ بەرىلدى.
بۇۇ باس حاتشىسى انتونيۋ گۋتەرريش بۇل شەشىمدى "وتە الاڭداتارلىق قادام" دەپ تانىپ، تالىپتەر"ۋادەڭى بۇزدى" دەپ ايىپتادى.
«ايەلدەردىڭ بەلسەندى قاتىسۋىنسىز جانە ولاردىڭ ءبىلىمىنسىز ەلدىڭ قالاي دامىپ، تۇيتكىلدى ماسەلەلەردى شەشە الاتىنىن ەلەستەتۋ قيىن»، - دەدى ۇيىم باسشىسى.
ەستەرىڭىزگە سالا كەتەيىك،تاليبان قوزعالىسى 2021 جىلدىڭ تامىزىندا بيلىككە كەلگەننەن كەيىن ايەلدەرگە تولىق ورتا ءبىلىم الۋعا تىيىم سالدى (تەك التىنشى سىنىپقا دەيىن باستاۋىش ءبىلىم الۋعا رۇقسات ەتىلدى), سونىمەن قاتار ولار كوشەدە جانە قوعامدىق ورىنداردا پاراندجا كيۋگە مىندەتتەلدى.
"ادىرنا" ۇلتتىق پورتالى
