الماتىدا تاعى ءبىر ستۋدەنتتىڭ ءولى دەنەسى تابىلدى، دەپ حابارلايدى "ادىرنا" ۇلتتىق پورتالى.
ونىڭ ءولىمى جايلى اقپارات بۇگىن باق بەتتەرىندە جاريالاندى. قالالىق پد مالىمەتىنشە، ستۋدەنتتىڭ قالاي كوز جۇمعانى بەلگىسىز.
ستۋدەنت Almaty Management University-دە ءبىلىم العان. جوو ءباسپاسوز قىزمەتى ستۋدەنتتىڭ ءولىمى تۋرالى اقپاراتتى راستادى. قايعىلى وقيعانىڭ سەبەپتەرى مەن ءمان-جايىن قۇقىق قورعاۋ ورگاندارى انىقتاپ جاتىر.
"ۋنيۆەرسيتەت قۇقىق قورعاۋ ورگاندارىنا وقيعانىڭ بارلىق ءمان-جايىن انىقتاۋ ءۇشىن جان-جاقتى كومەك كورسەتەدى. Almaty Management University اكىمشىلىگى مارقۇمنىڭ تۋىستارى مەن جاقىندارىنا كوڭىل ايتادى جانە ونىڭ وتباسىنا قاجەتتى قولداۋ كورسەتەدى", – دەپ جازدى ۋنيۆەرسيتەتتىڭ ءباسپاسوز قىزمەتى.
پوليتسيا قىلمىستىق ءىستىڭ قوزعالعانىن مالىمدەدى.
"وسى فاكتى بويىنشا بوستاندىق اۋداندىق پوليتسيا ءبولىمى قىلمىستىق ءىس قوزعادى", – دەلىنگەن حابارلامادا.
ايتا كەتەيىك، ءۇش كۇن بۇرىن الماتىداعى ۇقك شەكارا اكادەمياسىنىڭ كۋرسانتىنىڭ دا ءمايىتى تابىلعان ەدى.
