2026 جىلعى 29–30 قازاندا استانادا «مەكتەپ جانە ادامي الەۋەت: ساپالى ءبىلىم جانە تەڭ مۇمكىندىكتەر» تاقىرىبىندا «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ XV حالىقارالىق عىلىمي-پراكتيكالىق كونفەرەنتسياسى وتەدى.
ءداستۇرلى كاسىبي الاڭعا بيىل 20 ەلدەن 2 000-عا جۋىق قاتىسۋشى جينالادى. ولاردىڭ قاتارىندا پەداگوگتەر، زەرتتەۋشىلەر، ءبىلىم بەرۋ ۇيىمدارىنىڭ باسشىلارى، مەملەكەتتىك ورگاندار وكىلدەرى مەن شەتەلدىك ساراپشىلار بار.
كونفەرەنتسيانىڭ حالىقارالىق سپيكەرلەرى – ءبىلىم بەرۋدەگى وزگەرىستەر مەن مەكتەپ كوشباسشىلىعىن زەرتتەۋشى ەندي حارگريۆز (كانادا), ءبىلىم ەكونوميكاسىنىڭ مامانى گارري ەنتوني پاترينوس (اقش), سۋرەتشى ءارى پەداگوگ، Global Teacher Prize 2026 سىيلىعىنىڭ يەگەرى رۋبل ناگي ء(ۇندىستان), نەيروعالىم كەتري سااريكيۆي (فينليانديا), ءبىلىم بەرۋ سالاسىنداعى ساراپشى سايمون لايتمان ء(باا), ءبىلىم بەرۋ ساياساتى جونىندەگى ساراپشى ەستەر سالامون (نيدەرلاند) جانە باسقا دا الەمدىك دەڭگەيدەگى ماماندار.
كونفەرەنتسيا باعدارلاماسى دا اۋقىمدى: پلەنارلىق باياندامالار، پانەلدىك پىكىرتالاستار، پراكتيكالىق شەبەرلىك ساباقتارى مەن ۆوركشوپتار، دوڭگەلەك ۇستەلدەر، Ignite Talks, سونداي-اق قازاقستاندىق پەداگوگتەردىڭ وزىق تاجىريبەلەرى ۇسىنىلادى. 9 تاقىرىپتىق باعىتتى قامتيتىن 36 پاراللەل سەسسيادا قازىرگى ءبىلىم بەرۋدىڭ وزەكتى ماسەلەلەرى جان-جاقتى تالقىلانادى.
سونداي-اق زەرتتەۋ پوستەرلەرى كورمەسىندە پراكتيك-مۇعالىمدەردىڭ 120-عا جۋىق جۇمىسى تانىستىرىلادى. ال «NIS Korme» ارنايى كورمە كەڭىستىگىندە قاتىسۋشىلار ءبىلىم بەرۋ باستامالارىمەن، باسپا جوبالارىمەن جانە تسيفرلىق تەحنولوگيالارمەن تانىسا الادى.
بيىلعى كاسىبي پىكىرتالاستىڭ وزەگىندە بولاشاق مۇعالىمى، تسيفرلىق قۇزىرەتتەر، مەكتەپ ترانسفورماتسياسى، وقۋشىلاردىڭ ءال-اۋقاتى، ءبىلىم بەرۋدە دەرەكتەردى ءتيىمدى پايدالانۋ، وقىتۋ ساپاسى مەن تەڭ ءبىلىم بەرۋ مۇمكىندىكتەرى سەكىلدى ماڭىزدى تاقىرىپتار بار.
جىلدار وتە NIS Conference قازاقستان مەن ورتالىق ازياداعى ءبىلىم سالاسىنىڭ وزەكتى ماسەلەلەرى تالقىلاناتىن ءىرى كاسىبي الاڭداردىڭ بىرىنە اينالدى. كونفەرەنتسيا پەداگوگتەرگە الەمدىك تاجىريبەمەن تانىسىپ قانا قويماي، ءوز يدەيالارىن ورتاعا سالىپ، كاسىبي بايلانىستار ورناتۋعا مۇمكىندىك بەرەدى.
ءار قاتىسۋشىعا اتاۋلى ونلاين-سەرتيفيكات بەرىلەدى.
- 29–30 قازان 2026 جىل;
- استانا، «كونگرەسس ورتالىعى
- تىركەلۋ جانە بيلەتتەر: conf.nis.edu.kz
پەداگوگتەردى، ءبىلىم بەرۋ ۇيىمدارىنىڭ باسشىلارى مەن ءبىلىم سالاسىنىڭ وكىلدەرىن كونفەرەنتسيا الاڭىندا باس قوسۋعا شاقىرامىز.
