Premer-Mınıstr Asqar Mamınniń tóraǵalyǵymen ótken Úkimet otyrysynda joǵary bilim sapasyn arttyrý máseleleri qaraldy, dep habarlaıdy "Adyrna" saıty.
Premer-Mınıstr joǵary bilim salasyn damytý baǵytynda kóptegen júıeli jumystar atqarylyp jatqanyn atap ótti. Zańnamalyq deńgeıde ýnıversıtetterge akademııalyq jáne basqarýshylyq derbestik beriledi. Bul rette, mamandardy daıarlaý sapasyn odan ári arttyrý, stýdentterdi daıarlaý sapasyna joǵary oqý oryndarynyń jaýapkershilik tetikterin engizý qajet, – delingen primeminister.kz habarlamasynda.
Atap ótilgendeı, sapasyz bilim beretin 15 joǵary oqý orny jabylyp, bilim berý nátıjelerine qoıylatyn biliktilik talaptary stýdentterdiń biliminiń qımasy boıynsha qaıta qaraldy.
Túlekterdiń bilim deńgeıi naryq pen jumys berýshilerdiń talaptaryna saı bolýy kerek. Tórtinshi ónerkásiptik revolıýııa jáne keńinen taralǵan ıfrlandyrý múldem jańa tásilder men daǵdylardy talap etedi. Úzdiksiz bilim alý prınıpin júzege asyrý mańyzdy.
Asqar Mamın
Úkimet basshysy Qazaqstan Respýblıkasy Eńbek jáne halyqty áleýmettik qorǵaý mınıstrligine, sondaı-aq «Atameken» AES-ke mamandardy daıarlaý sapasy táýeldi bolatyn jańa kásibı standarttardy jańartý jáne ázirleý boıynsha jumysty kúsheıtýdi tapsyrdy.
Premer-Mınıstr túlekterdi sertıfıkattaýdyń táýelsiz júıesin ázirleý, kásipterdiń ulttyq klassıfıkatoryn jańartý, qashyqtyqtan oqytý formattaryn, onyń ishinde joǵary oqý oryndarynda zańnamalyq retteý qajettigin atap ótti.
Bilim jáne ǵylym mınıstrligine 22 qarashaǵa deıin Bilim berýdi damytýdyń 2025 jylǵa deıingi tujyrymdamasynda Qarjy, Ulttyq ekonomıka mınıstrlikterimen, múddeli memlekettik organdarmen birlesip joǵary bilim sapasyn qamtamasyz etýdiń naqty sharalary men kórsetkishterin qamtamasyz etý tapsyryldy. JOO-lardyń básekege qabilettiligin arttyrýdyń 2021-2025 jyldarǵa arnalǵan Jol kartasyn pysyqtap, úkimetke usyný.
Mamın 20 myqty óńirlik ýnıversıtetti qurýdy qarjylandyrý máselelerin pysyqtaýdy jáne Petropavl men Shymkentte «Nazarbaev Ýnıversıteti» sııaqty eki ýnıversıtet ashýdy, eki dıplomdyq baǵdarlamalardy ázirleý jáne oqytýshylar men stýdentterdiń akademııalyq utqyrlyǵyn arttyrý boıynsha jumysty jalǵastyrýdy tapsyrdy.
Úkimet basshysy ýnıversıtetterdegi ǵylymı zertteýlerdiń kólemin ulǵaıtý jáne jastardy ǵylymǵa belsendi tartý boıynsha naqty sharalarmen ǵylym men joǵary bilimniń biryńǵaı ıfrlyq platformasyn qurýdy pysyqtaýdy tapsyrdy.
"Adyrna" ulttyq portaly
