الماتى، قىزىلوردا، قازالى، جەتىساي مەن شىمكەنت قالالارىندا جوعارى سىنىپ وقۋشىلارىنا ارنالعان BILIM TOUR الەۋمەتتىك-ءبىلىم بەرۋ جوباسى ۇيىمداستىرىلدى. جوبا اياسىندا 1500-گە جۋىق وقۋشى تەگىن ۇبت-عا دايىندىق ساباقتارىنا قاتىسىپ، كاسىبي باعدار الدى.
ءىس-شارا بارىسىندا 10-11 سىنىپ وقۋشىلارى بيولوگيا، حيميا، گەوگرافيا جانە قازاقستان تاريحى پاندەرى بويىنشا تاجىريبەلى ماماندارمەن دايىندىق جۇمىستارىن جۇرگىزىپ، بولاشاق ماماندىقتى سانالى تاڭداۋعا قاتىستى پراكتيكالىق كەڭەستەر تىڭدادى.
BILIM TOUR جوباسىن 2021 جىلدان بەرى 15 000 وقۋشىنى ۇبت-عا دايىنداعان Glucose ءبىلىم بەرۋ ورتالىعى ۇيىمداستىردى.
«BILIM TOUR جوباسىنىڭ نەگىزگى ماقساتى - تاجىريبەلى ماماندار مەن وقۋشىلار اراسىندا تىكەلەي بايلانىس ورناتىپ، ساپالى ءبىلىم بەرۋ رەسۋرستارىن وڭىرلەردەگى جاسوسپىرىمدەرگە قولجەتىمدى ەتۋ جانە ولاردىڭ بولاشاق ماماندىعىن سانالى تاڭداۋىنا ىقپال ەتۋ. ءبىز ءۇشىن وقۋشىلارعا تەك ۇبت پاندەرىن مەڭگەرتىپ قانا قويماي، ءوز مۇمكىندىكتەرىن تانىپ، بولاشاق باعىتىن ايقىنداۋعا كومەكتەسۋ دە ماڭىزدى»، – دەيدى ورتالىق ديرەكتورى مولداباي اسەل عابيتقىزى.
جوبا اياسىندا قاتىسۋشىلارعا ارنالعان ىنتالاندىرۋ شارالارى دا ۇيىمداستىرىلدى. اتاپ ايتقاندا، 15 وقۋشىعا قۇنى 4 ميلليون تەڭگەنى قۇرايتىن ءبىلىم بەرۋ گرانتتارى تابىستالىپ، 300-گە جۋىق اۆتورلىق ونىمدەر مەن اقشالاي سىيلىقتار ۇلەستىرىلدى. بۇدان بولەك، بارلىق قاتىسۋشىلارعا جالپى سوماسى 10 ميلليون تەڭگەنى قۇرايتىن ءبىلىم بەرۋ جەڭىلدىكتەرى ۇسىنىلدى.
ايتا كەتەيىك، BILIM TOUR - وقۋشىلارعا ۇبت پاندەرى بويىنشا ءبىلىمىن جەتىلدىرۋگە، تاجىريبەلى مامانداردان كەڭەس الۋعا جانە بولاشاق كاسىبي باعىتىن انىقتاۋعا مۇمكىندىك بەرەتىن الەۋمەتتىك-ءبىلىم بەرۋ باستاماسى.
