ونەركاسىبى دامىعان ۇلىتاۋ وبلىسى كوپتەگەن ەكولوگيالىق ماسەلەلەرگە تاپ بولۋدا. شتاب مۇشەلەرىنىڭ ايتۋىنشا، اتوم ەنەرگەتيكاسىنا كوشۋ اۋانىڭ لاستانۋ پروبلەماسىن شەشۋدىڭ ءتيىمدى ءتاسىلى بولا الادى، ويتكەنى اەس – كومىر ەلەكتر ستانتسيالارىنا قاراعاندا الدەقايدا ەكولوگيالىق تۇرعىدا تازا. «AMANAT» پارتياسىنىڭ اتقارۋشى حاتشىسى داۋلەت كارىبەكتىڭ ايتۋىنشا، اەس – بۇل ەنەرگەتيكالىق تاۋەلسىزدىك پەن قاۋىپسىزدىكتىڭ كەپىلى.
«قازىرگىدەي الەمدە رەسۋرستارعا، ەنەرگياعا باسەكە كۇشەيگەن ۋاقىتتا ەلدىڭ ەنەرگەتيكالىق تاۋەلسىزدىگى، ەنەرگەتيكالىق قاۋىپسىزدىگى ءبىرىنشى ورىنعا شىعىپ وتىر. مۇنداي جاعدايدا، ورىنسىز ۇرەي مەن ءجونسىز ءپوپۋليزمنىڭ جەتەگىنە ەرىپ، اەس-كە قارسىلىق تانىتۋ ەل بولاشاعىنا جاسالعان قيانات بولار ەدى.
سوندىقتان، قازاقستاندا اەس سالۋ – ومىرلىك ماسەلە ەكەنىن بارشامىز ۇعىنۋىمىز قاجەت. ءبىز وسىنداي تاعدىرلى ماسەلەلەردى كەلەر ۇرپاقتىڭ موينىنا ارتىپ كەتپەي، ءدال بۇگىن باتىل، دۇرىس شەشىم قابىلداۋعا ءتيىسپىز. ۇلىتاۋ تۇرعىندارىن بىرىگىپ، ۇلت بولاشاعى ءۇشىن اەس قۇرىلىسىنا قولداۋ بىلدىرۋگە شاقىرامىن!»، – دەدى ول.
