«اتامەكەن» پالاتاسى جۇرگىزەتىن «ىسكەرلىك كليمات» رەيتينگىندە ۇلىتاۋ وبلىسى 2025 جىلدىڭ ءى توقسانى بويىنشا جوعارى ناتيجەگە قول جەتكىزدى. بۇل رەتتە، وتكەن جىلدىڭ قورىتىندىسى بويىنشا ءوڭىردىڭ كوشباسشىلىق پوزيتسيالارىن يەلەنگەنىن اتاپ وتكەن ءجون. وسىلايشا، ناتيجە وڭىردە كاسىپكەرلىكتى دامىتۋ بويىنشا جۇرگىزىلىپ جاتقان ساياساتتىڭ تيىمدىلىگىن كورسەتەدى.
اتاپ ايتقاندا، شاعىن بيزنەستى دامىتۋ جانە مەملەكەتتىك قولداۋ شارالارىنىڭ قولجەتىمدىلىگى بويىنشا 1-ورىنعا يە بولدى. سونداي – اق مەملەكەتتىك ورگاندارمەن ماسەلەلەردى شەشۋدىڭ "بەيرەسمي تاسىلدەرىنە" سالىستىرمالى تۇردە تومەن تاۋەلدىلىگىن كورسەتەدى.
ورتا بيزنەس بويىنشا دا ايتارلىقتاي ىلگەرىلەۋ بايقالادى: وبلىس 2024 جىلى 15-ورىندا بولسا، بيىلعى ءى توقساندا 8-ورىنعا كوتەرىلدى. بۇل - وڭىردەگى كاسىپكەرلىك ينفراقۇرىلىمنىڭ نىعايىپ، ورتا بيزنەسكە قولايلى جاعدايلار جاسالىپ جاتقانىن كورسەتەتىن ماڭىزدى جەتىستىك.
