اتىراۋ قالاسىنىڭ اكىمى شاكير كەيكين قۇقىق قورعاۋ ورگاندارىنا جاۋاپ الۋعا جەتكىزىلدى، دەپ حابارلايدى "ادىرنا" ۇلتتىق پورتالى اق جايىققا سىلتەپ.
مالىمەتتەرگە سايكەس، شەنەۋنىك وبلىستىق اكىمدىك عيماراتىندا وتەتىن جيىن الدىندا ۇقك اتىراۋ وبلىسى بويىنشا دەپارتامەنتىنىڭ سىبايلاس جەمقورلىققا قارسى قىزمەتى قىزمەتكەرلەرىنىڭ سۇيەمەلدەۋىمەن تەرگەۋ ارەكەتتەرىنە قاتىسۋ ءۇشىن جەتكىزىلگەن.
دەرەككوزدەردىڭ حابارلاۋىنشا، اكىم قىلمىستىق ءىس اياسىندا جاۋاپقا الىنعان. الايدا ءىستىڭ ءمان-جايى مەن شاكير كەيكيننىڭ پروتسەسسۋالدىق مارتەبەسى تۋرالى رەسمي اقپارات جاريالانعان جوق.
رەداكتسيا حابارلاۋىنشا، جاۋاپ الۋ اياقتالعاننان كەيىن شاكير كەيكيننىڭ ۇيىنە جىبەرىلگەنىن حابارلادى.
ايتا كەتەيىك، بۇعان دەيىن اتىراۋ قالاسى اكىمىنىڭ ورىنباسارى مەيىرجان مۇقاسوۆتىڭ ۇستالعانى تۋرالى اقپارات تاراعان. وقيعاعا قاتىستى ۇقك، سىبايلاس جەمقورلىققا قارسى ءىس-قيمىل اگەنتتىگى جانە اتىراۋ وبلىسى اكىمدىگى ازىرگە رەسمي تۇسىنىكتەمە بەرگەن جوق.
