قازاقستاندىقتار تۇرمىستىق زورلىق-زومبىلىقتى قىلمىستىق جاۋاپكەرشىلىككە تارتۋدى تالاپ ەتىپ، سەناتقا ء#سالتاناتۇشىنزاڭ دەگەن 5 مىڭنان استام حات جولدادى، دەپ حابارلايدى "ادىرنا" ءتىلشىسى.
"ەركىندىك قاناتى" قوعامدىق قورى بۇل ەلىمىزدەگى حالىقتىڭ جاپپاي قاتىسقان پەتيتسياسى ەكەنىن مالىمدەدى.
"العاشقى ءۇش كۇندە-اق قازاقستاندىقتار پارلامەنتكە 5 مىڭنان استام حات جولدادى. تاعى ون مىڭ ازامات زاڭعا ونلاين قولداۋ ءبىلدىردى. سالتانات نۇكەنوۆا قايتىس بولعاننان كەيىن 2023 جىلدىڭ قاراشا ايىندا باستالعان وتباسىلىق-تۇرمىستىق زورلىق-زومبىلىققا قارسى پەتيتسيا قازاقستان تاريحىنداعى حالىقتىڭ جاپپاي قاتىسقان پەتيتسياسىنا اينالدى. قىسقا مەرزىم ىشىندە ول 150 مىڭنان استام قول جيناعان", – دەلىنگەن دۇيسەنبىدەگى حابارلامادا.
باستاماشىل توپ زورلىق-زومبىلىقتى قىلمىستىق جاۋاپكەرشىلىككە تارتۋ تۋرالى زاڭ جوباسىن كەيىنگە قالدىرۋ نەمەسە قابىلداماۋ قاۋپى بار ەكەنىن ايتقان.
ال حات جىبەرۋ ءۇشىن eOtinish سايتىنا كىرىپ، ء"وتىنىش بەرۋ" باتىرماسىن باسۋ قاجەت ەكەنىن ءتۇسىندىردى.
ء"ارى قاراي جۇيەدەن "كودەكس ءتۇرىن" باسىپ، "اكىمشىلىك راسىمدىك-پروتسەستىك كودەكستى" تاڭداۋ قاجەت. سوسىن ء"وتىنىش" باتىرماسىن باسىڭىز. ءوتىنىشتى "كودەكستىڭ ءتۇرى" باعانىندا بەرگەن كەزدە ءبىرىنشى تۇرعان "اكىمشىلىك راسىمدىك-پروتسەستىك كودەكستى" تاڭداۋعا بولادى. "مەملەكەتتىك ورگان" باعانىندا "قر پارلامەنتى سەناتى" كورسەتۋ كەرەك. وسىدان كەيىن ءسىز حاتقا ءبىرىنشى ابزاتستى ەنگىزە الاسىز. "فايلدار" باعانىندا قۇرىلعىعا الدىن الا ساقتالعان سەنات حاتىن تىركەۋ قاجەت. جەكە دەرەكتەردى كورسەتىپ، بەرۋ نىسانىن تولىق تولتىرعاننان كەيىن ەتسق-مەن قول قويىڭىز", – دەلىنگەن حابارلامادا.
