قۋاندىق بيشىمباەۆ سوتقا تالاپ-ارىز ءتۇسىردى. بۇعان قىلمىستىق-اتقارۋ جۇيەسى مەكەمەسىنىڭ اكىمشىلىگى تاراپىنان وعان كوتەرمەلەۋ بەرىلمەۋى سەبەپ بولعان، دەپ حابارلايدى "ادىرنا" ۇلتتىق پورتالى.
قىلمىستىق-اتقارۋ جۇيەسى كوميتەتىنىڭ ءباسپاسوز قىزمەتىنىڭ مالىمەتىنشە، قولدانىستاعى زاڭناماعا سايكەس، جازانى وتەۋ ءتارتىبىن بۇزعان سوتتالعاندارعا كوتەرمەلەۋ شارالارى قولدانىلمايدى.
"اتالعان سوتتالعاننىڭ ءبىر ءتارتىپ بۇزۋشىلىعى بولعانىن ەسكەرە وتىرىپ، وعان كوتەرمەلەۋ شاراسى قولدانىلعان جوق. ونىڭ تالاپ-ارىزى سوتتا قاناعاتتاندىرىلمادى", - دەلىنگەن ءباسپاسوز قىزمەتىنىڭ حابارلاماسىندا.
الايدا، بيشىمباەۆتىڭ قانداي ءتارتىپ بۇزعانى تۋرالى اقپارات بەرىلگەن جوق.
ەسكە سالا كەتەيىك، بىلتىر 13 مامىردا استانادا سالتانات نۇكەنوۆانىڭ ولىمىنە قاتىستى سوت پروتسەسى اياقتالعان بولاتىن. ۇلتتىق ەكونوميكا ەكس-ءمينيسترى قۋاندىق بيشىمباەۆ ايەلى سالتانات نۇكەنوۆانى ازاپتاپ، ولتىرگەنى ءۇشىن كىنالى دەپ تانىلىپ، 24 جىلعا باس بوستاندىعىنان ايىرىلعان ەدى.
2023 جىلدىڭ 12 قاراشاسىندا بيشىمباەۆ كولونيادان سوتقا ۇيالى تەلەفون ارقىلى قوسىلعان بولاتىن.
