بۇرىنعى ۇلتتىق ەكونوميكا مينيسترى قۋاندىق بيشىمباەۆتىڭ قولىنان قازا تاپقان سالتانات نۇكەنوۆانى جەرلەۋ ءراسىمى ءوتتى. مارقۇممەن قوشتاسۋعا كەلگەن دوستارى نۇكەنوۆا مەن ەكس-ءمينيستردىڭ ارا-قاتىناسى تۋرالى ايتتى، دەپ حابارلايدى "ادىرنا" ءتىلشىسى Ulysmedia.kz-كە سىلتەمە جاساپ.
مارقۇم سالتانات نۇكەنوۆانى قالا ىرگەسىندەگى اتامەكەن اۋىلىنا جەرلەدى. جەرلەۋ راسىمىنە بەلگىلى ساياساتكەرلەر مەن قوعام قايراتكەرلەرى، سالتاناتتىڭ تۋعان-تۋىستارى، دوستارى مەن قۇربىلارى قاتىستى. قازاعا كوڭىل ايتىپ كەلگەندەر پوليتسەيلەر مەن سوت قايعىلى وقيعانىڭ بارلىق ءمان-جايىن جان-جاقتى تەكسەرىپ، كىنالىنى زاڭ اياسىندا قاتاڭ جازالاۋ كەرەكتىگىن ايتتى.
"ول ونى قاتتى ۇرعانى سونشالىق، دەنەسىندە ساۋ جەرىن قالدىرمادى. بiزدiڭ قوعامدا جاۋىز، قاتىگەز ادامداردىڭ قولىنان قاراپايىم ادام قايتىس بولماۋى كەرەك،"-دەيدى.
ۇرىنعى شەنەۋنىك پەن مارقۇم سالتانات نۇكەنوۆانىڭ وتباسىندا ءجيى جانجال بولعان. قۇربىلارىنىڭ ايتۋىنشا بيشىمباەۆ ءوز ايەلىنە ءجيى قول كوتەرگەن.
"ول وعان ءجيى قول كوتەرەتىن. ول (سالتانات نۇكەنوۆا - رەد.) بىزگە شاعىمداندى، بىراق باسقالارعا ايتپادى. ءبىز كۇيەۋىن تاستاپ كەتۋدى تالاي رەت وتىندىك", – دەيدى سالتانات نۇكەنوۆانىڭ جاقىن دوسى ينديرا.
سالتاناتپەن قوشتاسۋعا قازاقستاننىڭ تۇكپىر-تۇكپىرىنەن جينالعان قۇربىلارى مارقۇمنىڭ وتباسىلىق ومىردە جولى بولماعانىن ايتادى. استانادان كەلگەن مادينا ەسىمدى بويجەتكەن قۇربىسى بيشىمباەۆتى تاستاپ كەتپەك بولعانىن ەسىنە الدى.
«ءبىزدىڭ كوز الدىمىزدا ەشتەڭە بولعان جوق. سالتاناتتىڭ ايتۋىنشا، ول كۇيەۋىنەن كەتىپ، پاتەر جالداعان. سودان كەيىن ول (قۋاندىق بيشىمباەۆ - رەد.) قايتادان جالىنىپ، تىزەرلەپ تۇرىپ، ونى جاقسى كورەتىنىن ايتىپ، قايتارعان. ءبىز قۇربىمىزعا مۇنداي ادامدار وزگەرمەيدى دەدىك، بىراق ول تىڭدامادى. ول (سالتانات نۇكەنوۆا - رەد.) ونى جاقسى كورەتىنىن ايتتى. بىردە قۇربىما ونى ولتىرەتىنىن دە ايتتىم. ويتكەنى بۇلاي ۇزاققا سوزىلمايتىن ەدى", - دەدى مادينا.
مارقۇم سالتانات نۇكەنوۆانىڭ دوستارى قايعىلى جاعدايدا ادامگەرشىلىك تانىتىپ، قاجەتسىز پىكىرلەردەن اۋلاق بولىپ، بولماعان نارسەنى ويلاپ تاپپاۋدى ءوتىندى. دوستارىنىڭ ايتۋىنشا ەكس-مينيستر بويجەتكەننىڭ قىر-سوڭىنان قالماي، ونى كەزدەسۋگە شاقىرىپ، كوڭىلىن اۋلاعان.
"ول ونى ينستاگرامدا كوردى، سىرتتاي عاشىق بولدى، ونى تاپتى، وعان قول جەتكىزدى. سالتانات العاشىندا كەزدەسكىسى كەلمەدى. سەبەبى ول مانياك سياقتى قۇربىمىزدىڭ ارتىنان قالماعان. ونىڭ ارەكەتتەرى بىزگە ونى (سالتانات نۇكەنوۆا - رەد.) قاتتى جاقسى كورەتىن سياقتى كورىندى... سودان كەيىن ءبارى باستالدى. سالتانات بالالى بولعىسى كەلدى، بىراق بولا المادى. ول "ەگەر جۇكتى بولسام، ءبارى تىنىشتالىپ، وزگەرەتىن شىعار" دەپ ويلادى. ال ءبىز وعان كەرىسىنشە، جاعداي بۇدان دا قيىن بولاتىنىن ايتتىق»، - دەدى سالتانات نۇكەنوۆانىڭ دوستارى.
مارقۇمنىڭ دوستارى بيشىمباەۆ ءۇشىنشى ايەلىنە ەشكىممەن سويلەسۋگە رۇقسات بەرمەي، ونىڭ مۇمكىندىكتەرىن شەكتەپ تاستاعانىن ايتادى.
"ول سالتاناتقا ەشكىممەن سويلەسۋگە رۇقسات بەرمەدى، ءتىپتى بىزبەن ادەتتەگىدەي كەزدەسە المادى. ول ونىڭ مۇمكىندىگىن شەكتەپ، جۇمىس ىستەتكىزبەدى. بىراق ول (سالتانات نۇكەنوۆا - رەد.) ءوزىن-ءوزى قامتاماسىز ەتە الاتىن جانە ول ايگىلى استرولوگ بولدى. ەگەر ءبىز ءبىر جەرگە بارساق، ونىڭ كۇيەۋى بىزبەن بىرگە بولدى. ول ونى (سالتانات نۇكەنوۆا - رەد.) ەشقاشان جالعىز قالدىرمايتىن", - دەپ شىندىقپەن ءبولىستى نۇكەنوۆانىڭ قۇربىلارى.
دوستارى سالتانات نۇكەنوۆانىڭ مىقتى استرولوگ بولعانىن ايتادى. ول كوپتەگەن ادامدارعا كەڭەسى ارقىلى كومەك بەرىپ، سوڭىندا ءوزى "ورتەندى" دەيدى.
سالتانات نۇكەنوۆامەن قوشتاسۋ ءراسىمى 10 قاراشا كۇنى ءماشھۇر ءجۇسىپ ورتالىق مەشىتىندە ءوتتى. ونى سوڭعى ساپارعا شىعارىپ سالۋعا جۇزدەگەن ادام كەلدى. وبلىس ورتالىعىنا وتباسى مەن دوستارىنان بولەك، جەلەزين اۋدانىنداعى جەرلەستەر، سىنىپتاستارى، كۋرستاستارى، جاقىن دوستارى جينالدى.
مارقۇمدى پاۆلودار ىرگەسىندەگى اتامەكەن اۋىلىنداعى زيراتقا جەرلەدى.
