Qazaqstandyqtar turmystyq zorlyq-zombylyqty qylmystyq jaýapkershilikke tartýdy talap etip, Senatqa #SaltanatÚshinZań degen 5 myńnan astam hat joldady, dep habarlaıdy "Adyrna" tilshisi.
"Erkindik qanaty" qoǵamdyq qory bul elimizdegi halyqtyń jappaı qatysqan petıııasy ekenin málimdedi.
"Alǵashqy úsh kúnde-aq qazaqstandyqtar parlamentke 5 myńnan astam hat joldady. Taǵy on myń azamat zańǵa onlaın qoldaý bildirdi. Saltanat Núkenova qaıtys bolǵannan keıin 2023 jyldyń qarasha aıynda bastalǵan otbasylyq-turmystyq zorlyq-zombylyqqa qarsy petıııa Qazaqstan tarıhyndaǵy halyqtyń jappaı qatysqan petıııasyna aınaldy. Qysqa merzim ishinde ol 150 myńnan astam qol jınaǵan", – delingen dúısenbidegi habarlamada.
Bastamashyl top zorlyq-zombylyqty qylmystyq jaýapkershilikke tartý týraly zań jobasyn keıinge qaldyrý nemese qabyldamaý qaýpi bar ekenin aıtqan.
Al hat jiberý úshin eOtinish saıtyna kirip, "ótinish berý" batyrmasyn basý qajet ekenin túsindirdi.
"Ári qaraı júıeden "Kodeks túrin" basyp, "Ákimshilik rásimdik-proestik kodeksti" tańdaý qajet. Sosyn "ótinish" batyrmasyn basyńyz. Ótinishti "Kodekstiń túri" baǵanynda bergen kezde birinshi turǵan "Ákimshilik rásimdik-proestik kodeksti" tańdaýǵa bolady. "Memlekettik organ" baǵanynda "QR Parlamenti Senaty" kórsetý kerek. Osydan keıin siz hatqa birinshi abzaty engize alasyz. "Faıldar" baǵanynda qurylǵyǵa aldyn ala saqtalǵan Senat hatyn tirkeý qajet. Jeke derekterdi kórsetip, berý nysanyn tolyq toltyrǵannan keıin EQ-men qol qoıyńyz", – delingen habarlamada.
