قازاقستاندا ۇلتتىق بىرىڭعاي تەست تاپسىرۋعا ءوتىنىم قابىلداۋ باستالدى، دەپ حابارلايدى “ادىرنا” ۇلتتىق پورتالى «ۇلتتىق تەستىلەۋ ورتالىعىنا» سىلتەمە جاساپ.
ءوتىنىمدى قابىلداۋ app.testcenter.kz سايتىندا 15 ءساۋىر ساعات 17.00-دە باستالدى جانە بوس ورىندار اياقتالعانعا دەيىن جالعاسادى. تىركەلۋ كەزىندە ۇبت تاپسىراتىن كۇندى، ۋاقىتىن جانە وتەتىن ورنىن ءوز ەركىمەن تاڭداۋعا بولادى.
15 ساۋىردەن باستاپ ۇبت تاپسىرۋ ءۇشىن ءبىرىنشى مۇمكىندىكتىڭ داتاسىن، ال 1 مامىردان باستاپ ەكىنشى مۇمكىندىكتىڭ داتاسىن تاڭداۋ مۇمكىندىگى بەرىلەدى. تەستىلەۋدىڭ ءوزى 25 ءساۋىر - 30 ماۋسىم ارالىعىندا وتەدى.
اتالعان كەزەڭدە ۇبت-عا 2 رەت قاتىسۋعا بولادى جانە جيناعان ەڭ جوعارى بالمەن ءبىلىم بەرۋ گرانتىن تاعايىنداۋ كونكۋرسىنا تۇسە الاسىز. بيىلعى - 2021 جىلدىڭ مەكتەپ تۇلەكتەرى ۇبت-عا تەگىن قاتىسادى.
ۇقساس جاڭالىقتار
