ۇلتتىق قاۋىپسىزدىك كوميتەتىنىڭ دەپارتامەنتى قازاقستان اۋماعىن رەسەيگە بەرۋدى ۇسىنعان جەزقازعان تۇرعىنىنىڭ ءىسى بويىنشا ماتەريالدار جيناپ جاتىر، دەپ حابارلايدى "ادىرنا" پورتالى.
«اقپارات جەزقازعان قالاسىنىڭ پوليتسيا بولىمىمەن 2 شىلدەدە تىركەلىپ، 2023 جىلعى 3 شىلدەدە شەشىم قابىلداۋ ءۇشىن ۇلتتىق قاۋىپسىزدىك كوميتەتىنىڭ ۇلىتاۋ وبلىسىنداعى دەپارتامەنتىنە جولداندى»، - دەپ حابارلادى ۆەدومستۆونىڭ ءباسپاسوز قىزمەتى. بۇل تۋرالى سەيسەنبى كۇنى ۇلىتاۋ وبلىستىق پروكۋراتۋراسى جاۋاپ بەردى.
پروكۋراتۋرا جەزقازعان قالاسىنىڭ تۇرعىنى الەكساندر سىسوەۆ ەسىمدى ازاماتتىڭ چات-رۋلەت پلاتفورماسى ارقىلى قازاقستاننىڭ رەسەي فەدەراتسياسىنا كىرۋىنە قارسىلىق بىلدىرمەيتىنى جايلى ايتقان اڭگىمەسى تۋرالى تۇسىنىكتەمە بەردى. ۇقك-ءنىڭ سوتقا دەيىنگى تەرگەپ-تەكسەرۋگە تىركەۋ ءۇشىن ماتەريالدار جيناپ جاتقانى اتالدى.
بۇعان دەيىن، ءوزىن «الەكساندر سەرگەەۆيچ» دەپ تانىستىرعان جەزقازعاندىق ازامات قازاقستاننىڭ سولتۇستىگىن رەسەي «تۇپكىلىكتى جەر» دەپ سانايدى» دەگەن سوزىنە جاۋاپ رەتىندە ەل اۋماعىن تۇگەلدەي رەسەيگە بەرۋدى ۇسىنعان.
