مەملەكەت باسشىسى قاسىم-جومارت توقاەۆ رەسەي پرەزيدەنتىمەن تەلەفون ارقىلى بايلانىستى، دەپ حابارلايدى "ادىرنا" ءتىلشىسى اقورداعا سىلتەپ.
مەملەكەتتەر باسشىلارى توقاەۆ پەن پۋتين ەكى ەل اراسىنداعى كوپجوسپارلى ىنتىماقتاستىقتىڭ قازىرگى جاي-كۇيىن جانە دامۋ پەرسپەكتيۆاسىن تالقىلادى.
اڭگىمەلەسۋ بارىسىندا ەكى پرەزيدەنت شەكارا ماڭىنداعى وڭىرلەردە ورىن العان سۋ تاسقىنى جاعدايىن تالقىلادى. ناتيجەسىندە ۇكىمەت باسشىلارىنا تابيعي اپاتقا قارسى كۇرەستە ءوزارا ىقپالداستىقتى نىعايتۋ تاپسىرىلدى.
سونىمەن قاتار مەملەكەتتەر باسشىلارى ايماقتىق جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماسىپ، الداعى كەزدەسۋلەردىڭ كەستەسىن قاراستىردى.
