نازگۇل قوجابەك: بىزدەگى پروبلەمانىڭ باستاۋى - كوپ سالاعا ورگانيكالىق تۇردە دامۋعا مۇمكىندىك بەرمەي، مەملەكەتتىڭ اقشاسىمەن تىڭايتىپ جىبەرەمىز...

2268
Adyrna.kz Telegram
بىزدەگى كوپ پروبلەمانىڭ باستاۋى - كوپ سالاعا ءوز بەتىمەن، ءوز جولىمەن، نارىق زاڭدارىمەن، ورگانيكالىق تۇردە دامۋعا مۇمكىندىك بەرمەي، مەملەكەتتىڭ اقشاسىمەن تىڭايتىپ جىبەرەمىز، تىڭ يگەرگەندەي ناۋقان قىلىپ. سوسىن مەملەكەتتەن اقشا بولىنبەي قالعاندا، الگى سالا سول مايى تاۋسىلىپ، قۇنارى بىتكەن الگى تىڭ جەردەي توپىراعى جەلگە ۇشىپ قالا بەرەدى.
كەيىنگى كەزدە اۋدارما ءىسىن مەملەكەت قامقورلىعىنا الۋعا ءتيىس دەگەن اڭگىمەلەر كوپ ايتىلىپ ءجۇر.
جوق! اۋدارما ءىسىن مەملەكەت قامقورلىعىنا الماۋى كەرەك. مەملەكەت جولاماۋى كەرەك كوركەم اۋدارماعا.
كوركەم اۋدارماعا تورەشى وقىرمان عانا!
ءوزىمىز جوندەپ الامىز. بىلىقتى ەندى-ەندى ارشىپ كەلە جاتىرمىز با دەگەندە، مەملەكەتتىڭ اقشاسىن سالىپ ودان بەتەر بىلىقتىرماڭدار!
ورگانيكالىق جولمەن دامىپ كەلە جاتقان سالاعا جاساندى جولمەن دەم بەرۋدىڭ كەرەگى جوق. قويا تۇرىڭىزدارشى. بالانىڭ دا اياعى ءوزى شىعادى عوي...
پىكىرلەر