Біздегі көп проблеманың бастауы - көп салаға өз бетімен, өз жолымен, нарық заңдарымен, органикалық түрде дамуға мүмкіндік бермей, мемлекеттің ақшасымен тыңайтып жібереміз, тың игергендей науқан қылып. Сосын мемлекеттен ақша бөлінбей қалғанда, әлгі сала сол майы таусылып, құнары біткен әлгі тың жердей топырағы желге ұшып қала береді.
Кейінгі кезде аударма ісін мемлекет қамқорлығына алуға тиіс деген әңгімелер көп айтылып жүр.
Жоқ! Аударма ісін мемлекет қамқорлығына алмауы керек. Мемлекет жоламауы керек көркем аудармаға.
Көркем аудармаға төреші оқырман ғана!
Өзіміз жөндеп аламыз. Былықты енді-енді аршып келе жатырмыз ба дегенде, мемлекеттің ақшасын салып одан бетер былықтырмаңдар!
Органикалық жолмен дамып келе жатқан салаға жасанды жолмен дем берудің керегі жоқ. Қоя тұрыңыздаршы. Баланың да аяғы өзі шығады ғой...
