جاڭاوزەندە مۇناي جانە سەرۆيستىك كاسىپورىنداردىڭ جۇمىسشىلارىنان جاپپاي سۇراۋ باستالدى. بۇل تۋرالى lada.kz سايتى مالىمدەدى، دەپ حابارلايدى “ادىرنا” ۇلتتىق پورتالى.
قۇرىلىمدىق بولىمشەلەردە ەرىكتى ساۋالناما جۇرگىزىلەدى. كەيبىر ساراپشىلار مۇناي كاسىپشىلىكتەرىندەگى جۇمىس توپتارىمەن كەزدەسۋلەرگە بارادى، وندا ولار ەڭ وزەكتى ماسەلەلەردى انىقتايدى.
بۇل شارانىڭ ماقساتى – جۇمىستاعى كەمشىلىكتەردى انىقتاۋ جانە ولاردى جويۋ. كوميسسيا مامىر ايىنىڭ سوڭىنا دەيىن جاڭاوزەن قالاسىندا بولادى.
ەسكە سالايىق، 10 ساۋىردە استاناداعى ەنەرگەتيكا مينيسترلىگى عيماراتىنىڭ جانىنا «بەرالى ماڭعىستاۋ كومپانياسى» مۇناي كاسىپشىلىگىنە قىزمەت كورسەتەتىن مەردىگەر كومپانيانىڭ 70-كە جۋىق بۇرىنعى جۇمىسشىسى جينالدى. بۇعان دەيىن «بەرالى ماڭعىستاۋ» سەرىكتەستىگى تەندەردە جەڭىلىپ، جۇمىسشىلاردىڭ بارلىعى جۇمىسسىز قالعان بولاتىن.
ءساۋىردىڭ 11-ءى كۇنى استاناداعى ەنەرگەتيكا مينيسترلىگى عيماراتىنىڭ جانىندا پيكەتكە شىققان جاڭاوزەندىك مۇنايشىلاردى ءتارتىپ ساقشىلارى ۇستادى. العاشىندا جۇمىسشىلاردى قورشاۋعا الدى، سودان كەيىن بارلىق جۇكتەرىن جيناپ الىپ، اۆتوزاكتارعا تيەدى.
جالپى، پوليتسەيلەر استانادا جاڭاوزەندىك 126 جۇمىسشىنى ۇستادى.
