جاڭاوزەندە يتتەردى اياۋسىز اتقان ازاماتتاردىڭ ۆيدەوسى تارادى. بەينەجازبادان ەر ادامنىڭ يتتەردى قارۋمەن اتىپ، كەيىن دەنەلەرىن شۇڭقىرعا لاقتىرىپ جاتقانىن كورۋگە بولادى، دەپ حابارلايدى “ادىرنا” ۇلتتىق پورتالى.
Lada.kz پورتالى تاراتقان اقپاراتقا سۇيەنسەك، جەلىدە قازاقستاندىقتار ۆيدەوعا نارازى پىكىرلەر قالدىرۋدا. ولار شەنەۋنىكتەردىڭ بۇل وقيعاعا نازار اۋدارۋىن سۇرايدى.
ء“بىز مۇندا جانۋارلاردىڭ بارلىعىن ەمدەپ، ولاردى قۇتقارۋعا تىرىسىپ جاتساق، ولار كەلىپ يتتەردى ءولتىرىپ جاتىر. تىرىلەرىن كولىككە ارتىپ، كۇلگە اپارىپ تاستايدى. مۇنداي نە بولىپ جاتىر ءوزى؟!", - دەيدى زووقورعاۋشى.
ايتا كەتەيىك، قازاقستاندا قاڭعىباس يتتەردى اتۋعا تىيىم سالىنعان. زاڭ بويىنشا ولاردى ۇستاپ، چيپتەپ، زارارسىزداندىرۋ كەرەك.
