Jańaózende munaı jáne servıstik kásiporyndardyń jumysshylarynan jappaı suraý bastaldy. Bul týraly lada.kz saıty málimdedi, dep habarlaıdy “Adyrna” ulttyq portaly.
Qurylymdyq bólimshelerde erikti saýalnama júrgiziledi. Keıbir sarapshylar munaı kásipshilikterindegi jumys toptarymen kezdesýlerge barady, onda olar eń ózekti máselelerdi anyqtaıdy.
Bul sharanyń maqsaty – jumystaǵy kemshilikterdi anyqtaý jáne olardy joıý. Komıssııa mamyr aıynyń sońyna deıin Jańaózen qalasynda bolady.
Eske salaıyq, 10 sáýirde Astanadaǵy Energetıka mınıstrligi ǵımaratynyń janyna «Beráli Mańǵystaý kompanııasy» munaı kásipshiligine qyzmet kórsetetin merdiger kompanııanyń 70-ke jýyq burynǵy jumysshysy jınaldy. Buǵan deıin «Beráli Mańǵystaý» seriktestigi tenderde jeńilip, jumysshylardyń barlyǵy jumyssyz qalǵan bolatyn.
Sáýirdiń 11-i kúni Astanadaǵy Energetıka mınıstrligi ǵımaratynyń janynda pıketke shyqqan jańaózendik munaıshylardy tártip saqshylary ustady. Alǵashynda jumysshylardy qorshaýǵa aldy, sodan keıin barlyq júkterin jınap alyp, avtozaktarǵa tıedi.
Jalpy, polıeıler Astanada jańaózendik 126 jumysshyny ustady.
