پرەزيدەنت جولداۋى: تۇركسىب اۋدانىن ءبىلىم بەرۋ نىساندارىمەن قامتاماسىز ەتۋ قارقىندى

1746
Adyrna.kz Telegram

مەملەكەت باسشىسى قاسىم-جومارت توقاەۆ «مەكتەپ سالۋ ۇكىمەت جانە اكىمدىكتەر ءۇشىن باستى مىندەتتىڭ ءبىرى بولۋى كەرەك»،-دەپ ايتتى. پرەزيدەنت تاپسىرماسىنىڭ شەڭبەرىندە الماتى قالاسىنىڭ تۇركسىب اۋدانىن ءبىلىم بەرۋ نىساندارىمەن قامتاماسىز ەتۋ جۇمىستارى بەلسەندى جۇرگىزىپ جاتىر، دەپ حابارلايدى ادىرنا ءتىلشىسى.

"قازىرگى وقۋ جىلىنىڭ باسىندا ۆولوچاەۆسكايا كوشەسىندە 420 ورىندىق جەكە مەكتەپ اشىلدى. اعىمداعى جىلدىڭ 16 جەلتوقسانىنا دەيىن «قايرات» شاعىن اۋدانىنداعى 1500 ورىندىق مەملەكەتتىك مەكتەپتىڭ قۇرىلىسى اياقتالادى (Kazpaco جشس / BI-group)", - دەدى دوساەۆ.

سونىمەن قاتار، بۇگىنگى تاڭدا اۋدانداعى 1350 ورىنعا 3 مەكتەپتى - № 59, № 195 جانە № 198 مەكتەپتەردى كەڭەيتۋ جۇمىستارى ءجۇرىپ جاتىر.

بيىل قازان ايىندا №59 مەكتەپ-گيمنازيانىڭ اۋماعىندا 300 ورىندىق جاڭا مەكتەپ عيماراتى مەن قوسىمشا  قۇرىلىستى سالۋ باستالادى. ال، ەسكى عيماراتتىڭ ءبىر بولىگى بۇزىلادى.

№195 جانە №198 مەكتەپتەر بويىنشا 1050 ورىندىق قوسىمشا قۇرىلىس سالۋ ءۇشىن جوبالاۋ-سمەتالىق قۇجاتتاما ازىرلەنىپ جاتىر. جوبالاۋ-سمەتالىق قۇجاتتامانى 2023 جىلدىڭ شىلدەسىندە  اياقتاۋ جوسپارلانعان.

 

پىكىرلەر