Memleket basshysy Qasym-Jomart Toqaev «mektep salý Úkimet jáne ákimdikter úshin basty mindettiń biri bolýy kerek»,-dep aıtty. Prezıdent tapsyrmasynyń sheńberinde Almaty qalasynyń Túrksib aýdanyn bilim berý nysandarymen qamtamasyz etý jumystary belsendi júrgizip jatyr, dep habarlaıdy Adyrna tilshisi.
"Qazirgi oqý jylynyń basynda Volochaevskaıa kóshesinde 420 oryndyq jeke mektep ashyldy. Aǵymdaǵy jyldyń 16 jeltoqsanyna deıin «Qaırat» shaǵyn aýdanyndaǵy 1500 oryndyq memlekettik mekteptiń qurylysy aıaqtalady (Kazpaco JShS / BI-group)", - dedi Dosaev.
Sonymen qatar, búgingi tańda aýdandaǵy 1350 orynǵa 3 mektepti - № 59, № 195 jáne № 198 mektepterdi keńeıtý jumystary júrip jatyr.
Bıyl qazan aıynda №59 mektep-gımnazııanyń aýmaǵynda 300 oryndyq jańa mektep ǵımaraty men qosymsha qurylysty salý bastalady. Al, eski ǵımarattyń bir bóligi buzylady.
№195 jáne №198 mektepter boıynsha 1050 oryndyq qosymsha qurylys salý úshin jobalaý-smetalyq qujattama ázirlenip jatyr. Jobalaý-smetalyq qujattamany 2023 jyldyń shildesinde aıaqtaý josparlanǵan.
