جەلىدە نۇر-Cۇلتان قالالىق ءىىد باسشىسىنىڭ ءبىرىنشى ورىنباسارى باقىتجان مالىباەۆتىڭ بالاسىنىڭ تويىن دۇركىرەتىپ جاساعانى ءسوز بولۋدا. بۇل تۋرالى تەلەگرام ارنادا ايتىلدى، دەپ جازادى "ادىرنا" ۇلتتىق پورتالى.
باقىتجان مالىباەۆ 2019 جىلدان بەرى نۇر-Cۇلتان قالالىق ءىىد باسشىسىنىڭ ءبىرىنشى ورىنباسارىنىڭ قىزمەتىنە تاعايىندالعان بولاتىن. تامىز ايىنىڭ 27-جۇلدىزىندا ۇلىنىڭ ۇيلەنۋ تويىن قالاداعى ءزاۋلىم رەستوراندا وتكىزىپ، 400 ادامدى مەيمان ەتكەن. تەلەگرام ارناسىنىڭ اۆتورىنىڭ ايتۋىنشا بۇل شامامەن ونەر كورسەتۋگە كەلگەن انشىلەردىڭ، شوۋمەندەردىڭ قىزمەتىن قوسپاعاندا 20-30 ميلليون تەڭگەنى قۇرايتىنى ايتىلعان.
"قايىرلى تاڭ بارشاڭىزعا، اسىرەسە نۇر-سۇلتان قالالىق ءىىد باستىعىنىڭ ءبىرىنشى ورىنباسارى باقىتجان مالىباەۆقا. كەشە ۇلىن (قۇتتىقتايمىز!) الماتى قالالىق اكىمشىلىك پوليتسياسى باستىعىنىڭ ۇلى نۇرلان امانبەكتىڭ جازدا تويى وتكەن مەيرامحانادا ۇيلەندىردى. ال مىناۋ وتە قىمبات مەيرامحانا، 400 قوناققا جۇلدىزداردىڭ ونەرىن ەسەپكە الماعاندا 20-30 ملن. تەڭگەنى قۇرايدى. ءبىزدىڭ پوليتسيا قىزمەتكەرلەرى دەمالۋدى بىلەدى، ەشتەڭە ايتا المايسىڭ" دەپ جازدى ارنا اۆتورى.
