ورال قالاسىندا توي كەزىندە بولعان جانجالعا قاتىستى قىلمىستىق ءىس قوزعالدى، دەپ حابارلايدى "ادىرنا".
وقيعاعا بايلانىستى الەۋمەتتىك جەلىلەردە بەينەجازبا تاراعان.
كادرلاردا «تەنتەك كادە» سۇراعان ەر ادامدى جاڭا قۇدالاردىڭ ءبىرى ۇرىپ، قۇلاتىپ جىبەرگەنى كورىنەدى.
وقيعا 22 تامىز كۇنى ورال قالاسىندا بولعان. باتىس قازاقستان وبلىسى پوليتسيا دەپارتامەنتىنىڭ مالىمەتىنشە، بەينەجازباداعى ازاماتتاردىڭ جەكە باسى انىقتالعان.
«اتالعان دەرەك بويىنشا قىلمىستىق ءىس قوزعالدى. تەرگەۋ بارىسى باقىلاۋعا الىندى. قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، – دەپ حابارلادى پوليتسيا.
قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
ۇقساس جاڭالىقتار
