پارا العانى ءۇشىن سوتتالعان ەكس-شەنەۋنىك باقىتگۇل حامەنوۆا تويعا بارۋ ءۇشىن رۇقسات العان. بۇل تۋرالى باس پروكۋروردىڭ ورىنباسارى عالىمجان قويگەلديەۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، ەگەر سوتتالعان ادامعا جازانى وتەۋدى كەيىنگە قالدىرۋ شاراسى قولدانىلسا، وعان توي سەكىلدى شارالارعا قاتىسۋعا تىيىم سالىنبايدى.
«حامەنوۆاعا ءۇش جىلعا جازانى وتەۋدى كەيىنگە شەگەرۋ قولدانىلعان. مۇنداي جاعدايدا ءىس-شارالارعا قاتىسۋعا زاڭ بويىنشا تىيىم جوق. ول پروباتسيا قىزمەتىنەن رۇقسات العان»، — دەدى باس پروكۋروردىڭ ورىنباسارى سەنات كۋلۋارىندا.
بۇعان دەيىن ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى دە حامەنوۆاعا قاتىستى پىكىر بىلدىرگەن بولاتىن. ولار ەكس-شەنەۋنىكتىڭ پروباتسيا قىزمەتىنىڭ باقىلاۋىندا ەكەنىن ايتتى.
ەسكە سالايىق، بۇعان دەيىن باقىتگۇل حامەنوۆانىڭ تويعا قاتىسقان كادرلەر بار ۆيدەو جەلىدە تاراعان ەدى. بەينەجازبادا ونىڭ شەنەۋنىكتەر مەن پوليتسيا قىزمەتكەرلەرىنىڭ قاتارىندا تۇرعانى انىق كورىنەدى. بۇل كوپشىلىكتىڭ اشۋ-ىزاسىن تۋعىزدى.
باقىتگۇل حامەنوۆا اباي ەسكەرتكىشىن ورناتۋ كەزىندە 4,5 ميلليون تەڭگە كولەمىندە پارا العانى ءۇشىن 7 جىلعا باس بوستاندىعىنان ايىرىلعان بولاتىن.
