قازاق ادەبيەتى مەن عىلىمىنىڭ تاريحىندا ۇستاز بەن شاكىرت اراسىنداعى رۋحاني بايلانىستىڭ ورنى ەرەكشە. وسىنداي تاعىلىمدى قارىم-قاتىناستىڭ جارقىن ۇلگىسىن قايىم مۇحامەدحانوۆتىڭ ۇلى جازۋشى، عالىم مۇحتار اۋەزوۆكە جازعان حاتتارىنان كورۋگە بولادى.
قايىم مۇحامەدحانوۆتىڭ جەكە مۇراعاتىندا ساقتالعان قۇندى قۇجاتتاردىڭ ءبىرى – 1949 جىلدىڭ 12 قاراشاسىندا مۇحتار اۋەزوۆكە جولدانعان حاتتىڭ جوباسى (چەرنوۆيگى). بۇل حاتتى “قايىم مۇحامەدحانوۆ اتىنداعى ءبىلىم جانە مادەنتەت ورتالىعىنىڭ ديرەكتورى دينا مۇحامەدحان Facebook پاراقشاسىندا جاريالادى.
حاتتىڭ مازمۇنىن تومەنگە جاريالايمىز.
قادىرلى مۇحتار اعا!
19/ ح. موسكۆادان جازعان حاتىڭىزدى بۇگىن الدىم. مەنىڭ ويىمدى دا ءوزىڭىز ايتىپ قويىپسىز. بىراق، كىنانىڭ سالماعى مەندە جاتقانىن سەزىڭكىرەي تۇسكەن جايىم بار.
ناۋقاستانىپ ۇيدە جاتىر ەدىم، ءسىزدىڭ حاتىڭىز سەرگىتىپ جىبەردى. ەندى بۇدان بىلاي حات جازۋدان قايىم ءىنىڭىز قاجيدى ەكەن دەمەڭىز.
ءۇي-ءىشى امانشىلىق.
بۇل ارادا ءۇي-تۇرمىس جايلارىن ارالاستىرماي، الدىمەن رومانعا قاجەتتى بىلگەندەرىمدى ايتايىن.
«كوكتەمدەگى كوبەڭ جەلىس» ۇستىندە شىنىندا دا دولگوپولوۆتىڭ ل.ن.تولستوي جايىندا جازعان كىتاپشاسىن، ح. شۋردىڭ «ۆوسپومينانياسىن» وقىماعان ەكەنسىز.
بۇل ەكى كىتاپتان ن.ي.دولگوپولوۆتىڭ ل.ن.تولستويمەن تانىس، كورىسكەن، بىلىسكەن ادام ەكەنى ايقىن كورىنەدى.
تەگىندە ۋاقىتىڭىز بولسا وسى ەكى كىشكەنە كىتاپتى، دولگوپولوۆتىڭ ءىسىن (دەلو دولگوپولوۆا) قاراپ شىقساڭىز دەيىم! ونى ءوزىڭىز بىلەسىز. ەگەر قاجەت دەپ تاپساڭىز، ول ماتەريالداردى جىبەرۋىمە بولادى.
ازىرشە دولگوپولوۆتىڭ ل.ن.تولستويمەن تانىستىعىن دالەلدەيتىن جانە ح.شۋر كىتابىنىڭ ءار جەرىنەن كوشىرمە جىبەردىم (حاسيا شۋر. «ۆوسپومينانيا»، يزدانيە اۆتورا، كۋرسك – 1928, تيراج 2000). ىشكى بەتىندە: «پوسۆياششاەتسيا پامياتي ن.ن.ناريمانوۆا» دەلىنگەن. كولەمى حV گلاۆا، 213 بەت.
ەندى وسى كىتاپتان ۇزىندىلەر كەلتىرەم. بەتتەرىن كورسەتىپ وتىرام.
اۋەلى ل. ن. تولستويعا بايلانىستى:
«ۆسكورە مى دولجنى بىلي پەرەەحات يز كۋرسكا ۆ تۋلۋ، گدە جيلوس تياجەلو (ايداۋدان قايتقان سوڭ عوي. ق. م.). پوەتومۋ پروبىلي مى تام نە دولگو ي پەرەسەليليس ۆ موسكۆۋ (ستر. 173).
ۋپوميانۋ، مەجدۋ پروچيم، چتو ۆ تۋلە مى بليزكي بىلي س چرەزۆىچاينو تسەننىمي وبششەستۆەننيكامي – پ. پ. بەلوۋسوۆىم، يزۆەستنىم سۆويمي ترۋدامي پو ستاتيستيكە ي نوۆىمي پريكلادنىمي پراكتيچەسكيمي رابوتامي ۆ ەتوي وبلاستي، ي دوماشنيم ۆراچوم لۆا نيكولاەۆيچا تولستوگو – ماريەي ميحايلوۆنوي...»
