شىمكەنتتە مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىندە بولعان قارجى ۇرلىعىنا قاتىستى اتىشۋلى سوت پروتسەسى اياقتالدى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
تەرگەۋ دەرەكتەرىنە سۇيەنسەك، 2022 جىلدىڭ جاز-كۇز ايلارىندا ۋنيۆەرسيتەتتىڭ ءبىرىنشى پرورەكتورى تەندەر وتكىزبەستەن جانە مەملەكەتتىك ساتىپ الۋدى تەكسەرمەي، بىرقاتار كەلىسىمشارتتارعا قول قويعان. ناتيجەسىندە ءۇش كاسىپكەردىڭ ەسەپشوتىنا 141 ميلليون تەڭگەگە جۋىق قارجى اۋدارىلىپ، ونىڭ 13 ميلليوننان استامى جوعالىپ كەتكەن.
ايىپتاۋشى تاراپتىڭ مالىمەتىنشە، الاياقتىققا شارۋاشىلىق ءبولىمىنىڭ باسشىسى، قارجى ديرەكتورى، بىرنەشە كاسىپكەر جانە تاعى ەكى ادام قاتىسقان. كەيىن ايىپتالۋشى رەكتوردىڭ مىندەتىن اتقارىپ جۇرگەن كەزدە تاعى دا كەلىسىمشارتتار جاساپ، بۇل جولى 116 ميلليون تەڭگەنى زاڭسىز جۇمساعان. قاراجات جەكە كاسىپكەرلەر مەن جشس-تەرگە اۋدارىلىپ، ءتيىستى رۇقساتسىز جوندەۋ جۇمىستارىنا پايدالانىلعان.
ۇرلانعان اقشانىڭ ءبىر بولىگىنە سىبايلاستار اۆتوكولىك ساتىپ العانى انىقتالدى. جالپى كەلتىرىلگەن شىعىن 129 ميلليون تەڭگەدەن اسقانىمەن، كەيىننەن بۇل قاراجات تولىعىمەن قايتارىلدى.
سوت ۇكىمىنە سايكەس بۇرىنعى ءبىرىنشى پرورەكتور 5 جىلعا باس بوستاندىعىنان ايىرىلدى، وعان مەملەكەتتىك ورگانداردا جۇمىس ىستەۋگە ءومىر بويىنا تىيىم سالىندى. ەكى كاسىپكەرگە 5 جىل 7 اي شارتتى جازا تاعايىندالدى. تاعى ەكى سىبايلاس ءدال وسىنداي مەرزىمگە كولونياعا قامالدى، ولاردىڭ بىرەۋىنىڭ مۇلكى تاركىلەندى.ء بىر ايىپتالۋشىعا 1 جىلعا بوستاندىعىن شەكتەۋ جازاسى كەسىلدى.
سوت شەشىمىندە ايىپتالۋشىلاردىڭ جاساعان ىستەرىنە وكىنگەنى جانە كامەلەتكە تولماعان بالالارى بار ەكەنى ەسكەرىلىپ، جازالارى جەڭىلدەتىلگەن.
