135 جىل بۇرىن العاشقى قازاق دارىگەرلەرىنىڭ ءبىرى، الاش قوزعالىسىنىڭ قايراتكەرى يسا تاۋمىشۇلى قاشقىنباەۆ دۇنيەگە كەلگەن، دەپ حابارلايدى "ادىرنا".
ول مەديتسينا سالاسىندا ەڭبەك ەتىپ، سوعىس جىلدارىندا قازاقستانعا جانە ورتالىق ازياعا كوشىرىلگەن گوسپيتالدارعا جەتەكشىلىك ەتتى.
يسا قاشقىنباەۆ 1891 جىلى قازىرگى باتىس قازاقستان وبلىسى اقجايىق اۋدانىندا دۇنيەگە كەلگەن. ورال رەالدىق اسكەري ۋچيليششەسىن ءتامامداپ، كەيىن قازان ۋنيۆەرسيتەتىنىڭ مەديتسينا فاكۋلتەتىندە ءبىلىم العان.
1917 جىلعى جەلتوقساندا وتكەن ءىى جالپىقازاق سەزىندە ۋاقىتشا ۇلت كەڭەسى – الاشوردا مۇشەلىگىنە كانديدات بولىپ سايلاندى. 1920 جىلى 21 ماۋسىمدا قازاق رك(ب)پ وبلىستىق كوميتەتىنىڭ ماجىلىسىندە يسا قاشقىنباەۆتى «قوعام ءۇشىن قاۋىپتى» ادام رەتىندە زاۆولجە اسكەري وكرۋگىنە جىبەرۋ تۋرالى شەشىم قابىلدانعان. الايدا حالىق اتقارۋ كوميتەتىنىڭ ارالاسۋىمەن ول تاشكەنتكە جىبەرىلدى.
قاشقىنباەۆ 1920 جىلى تاشكەنتتە مۇسىلماندارعا ارنالعان ولكەلىك فەلدشەرلىك مەكتەپتى ۇيىمداستىرۋعا بەلسەنە قاتىستى. 1930-جىلداردىڭ ورتاسىندا تاشكەنتتەگى سەماشكو اتىنداعى فۋنكتسيونالدىق دياگنوستيكا ينستيتۋتىندا ءبولىم مەڭگەرۋشىسى قىزمەتىن اتقاردى.
1938 جىلعى 23 ساۋىردە وعان «كونتررەۆوليۋتسيالىق ۇيىمعا قاتىستى» دەگەن ايىپ تاعىلىپ، قىلمىستىق جاۋاپكەرشىلىككە تارتىلدى. الايدا تاعىلعان ايىپ دالەلدەنبەگەندىكتەن، 1939 جىلعى 1 جەلتوقساندا تۇرمەدەن بوساتىلدى. ۇلى وتان سوعىسى جىلدارىندا يسا قاشقىنباەۆ كوشىرىلىپ اكەلىنگەن گوسپيتالداردىڭ جۇمىسىنا جەتەكشىلىك ەتتى. سوعىستان كەيىن تاشكەنتتەگى سەماشكو اتىنداعى كۋرورتولوگيا عىلىمي-زەرتتەۋ ينستيتۋتىندا ەڭبەك ەتتى.
يسا قاشقىنباەۆ قىزىل جۇلدىز وردەنىمەن ماراپاتتالعان. ول مۇحتار اۋەزوۆپەن بىرگە قۋعىن-سۇرگىنگە ۇشىراعان الاشوردا قايراتكەرلەرىنىڭ ءبىرى رەتىندە بەلگىلى.
1929 جىلى تاشكەنتتە قوشكە كەمەڭگەرۇلى، مۇحتار اۋەزوۆ جانە يسا قاشقىنباەۆ «كونتررەۆوليۋتسيالىق ۇيىمعا قاتىستى» دەگەن ايىپپەن تۇتقىندالدى. كەيىن ولاردىڭ ءىسى بويىنشا تەرگەۋ جۇرگىزىلدى. اباقتىدان 1932 جىلى شىقتى.
1938 جىلى 23 ساۋىردە «كونتررەۆوليۋتسيالىق ۇيىمعا قاتىستى» دەگەن ايىپپەن تاعى دا قىلمىستىق جاۋاپكەرشىلىككە تارتىلدى. بىراق ايىپتاۋشىلار ءبۇل قىلمىسىن دالەلدەي الماي، 1939 جىلى 1 جەلتوقساندا تۇرمەدەن بوساتادى.
يسا تاۋمىشۇلى قاشقىنباەۆ 1948 جىلعى 12 مامىر قايتىس بولدى.
