شۋاعى مەن شاراپاتىن شاشقان، كوكتەمنىڭ كورىكتى دە كوركەم كۇنىندە اباي اتىنداعى ءبىلىم ورداسىندا كەزەكتى مارتە ءسوز دوداسى ءوتتى. وعان رەسپۋبليكالىق شەشەندىك سايىستاردىڭ جۇلدەگەرلەرى، "جىل شەشەندەرى" قاتىستى. تارتىسقا تولى بايگەدە قاتىسۋشىلاردىڭ دەڭگەيى بىلتىرعى جىلعا قاراعاندا وسكەنىن كوز كورىپ، قۇلاق ەستىدى. بارلىعى تاپقىر، بارلىعى ەل الدىندا مۇدىرمەي سويلەۋدىڭ سىرىن ۇققان.
اتالى ءسوزدىڭ ابىرويى اسقان الاماندا ء"دىلمار" ۇيىرمەسى جاڭا ساتىعا كوتەرىلگەنىن جاڭاشىلدىعىمەن بايقاتتى. تەك شەشەندىك سايىس قانا ەمەس، 8-سىنىپتاردىڭ اراسىندا بابالار ءسوزىن جاڭعىرتىپ، بۇگىنگى ومىردە قولدانۋ دەڭگەيىن انىقتاۋ ماقساتىندا كورىنىس كورسەتۋشىلەردىڭ دە جارىسى بولدى. تىڭ يدەيامەن تىڭعىلىقتى دايىندالىپ، شىن شەبەرلىگىن پاش ەتكەن 8 "ب" سىنىبىڭ وقۋشىلارى باس جۇلدەنى قانجىعالادى. ولار كورەرمەننىڭ جۇزىنە كۇلكى دە سىيلادى.
قارا شاڭىراعىمىزدىڭ مۇعالىمدەرى مەن شاكىرتتەرى، جوعارى وقۋ ورىندارىنىڭ ستۋدەنتتەرى مەن الماتى وبلىسىنداعى اباي جەلىلىك مەكتەبىنىڭ وقۋشىلارى بالا ءدىلمارلارىمىزدىڭ كوسىلە سويلەگەنىنە ءتانتى بولدى... جۇيرىكتەرىمىز اپتالار بويى دايىندالعان بەس تاقىرىپتى تاڭدايى تالعانشا كەمەلىنە جەتكىزىپ قورعاپ شىقتى.
ءسوز سايىسىندا
باس جۇلدەنى — ۇيىرمە مۇشەسى نۇراي سەرىكجانقىزى،
1-ورىندى — جالعاس سەرىكبولۇلى، ءشامىل تيمۋرلانۇلى
2-ورىندى اياۋلىم ايدارقىزى، اقەركە ەربولاتقىزى، رامازان نۇرلانۇلى(كوللەدج ستۋدەنتى),
3-ورىندى — شىڭعىس ەربولۇلى، باقزادا ابدىماناپقىزى، بولاتبەك باعجان(ال-فارابي اتىنداعى قازۇۋ), باعدار روزا(قازاق ۇلتتىق قىزدار پەداگوگيكالىق ۋنيۆەرسيتەتى) قانجىعالادى.
ۇلى دالانىڭ رۋحاني مۇراسىن ۇلىقتاعان، بابالار اماناتىن ۇمىتپاعان ۇلاعاتتى ۇرپاقتى ساحنا تورىنەن كورۋ — ۇلكە-ەن سىن ءارى باقىت.. سول ءبىر باقىتتىڭ قۇسىن باسىمىزدان ۇشىرىپ الماعانىمىز ءجون. ايتپاقشى، قازىلار القاسى مەن قاتىسۋشىلارعا جانە جالىقپاي، شىن ىنتا-ىقىلاسپەن سۇبەلى ءسوزدىڭ پارقىنا كوڭىل بولگەن كورەرمەندەرگە اق جۇرەگىمىزبەن العىس ايتامىز!
ءشامىل تيمۋرلانۇلى، ء"دىلمار" ۇيىرمەسىنىڭ مۇشەسى، اباي اتىنداعى رممي-ءدىڭ 10-سىنىپ وقۋشىسى.
