ديسسەرتاتسيامنىڭ تاقىرىبى بويىنشا جازىلعان وتاندىق عىلىمي ماقالانى كوزىم شالىپ قالدى. قازاقستانىڭ اينالاسىنداعى اقپاراتتىق سوعىستار جايلى. 2024 جىلى جازىلىپتى.
و، ءبىر وقىپ شىعايىن دەسەم، تەك باتىسقا قارسى جازىلعان ەڭبەك ەكەن.
ياعني، ولار ءتۇرلى گرانتتارمەن ىشكى ىسكە ارالاسىپ جاتىر، سايتتار اشىلدى، سەمينارلار ءوتتى. قازاق-امەريكان ۋنيۆەرسيتەتى اشىلدى، فوربس-قازاقستان امەريكالىق جۋرنال، ولار ىقپال قۇرالى. شەتەلدە پراكتيكادان سۋديا، زاڭگەرلەرىمىز سول جاقتىڭ قۇندىلىعىن يدەال تۇتادى دەپ جازىپ تاستاعان. ال رەسەيدىڭ اقپاراتتىق شابۋىلى جايلى ءلام ميم دەمەگەن.
قورلار، ەلشىلىك گرانتتار ءبولىپ كەلگەنى دە، باسقاسى دا راس. بىراق عىلىمي جۇمىس بولعان سوڭ گرانتتاردىڭ قوعامعا وڭ نە تەرىس وزگەرىس اكەلگەنىن دالەلدەمەگەن. فاكتپەن، ساۋالنامامەن نە باسقامەن.
بۇلار نەگە ولاي جازدى دەپ ادەبيەتتەر ءتىزىمىن قاراسام، باسىم بولىگى رەسەيلىك زەرتتەۋشىلەردىڭ ەڭبەگى ەكەن. اراسىندا رەسەيدىڭ اقپاراتتىق دوكتريناسىنا دا سىلتەمە جاساپتى)).
مۇنى نەگە جازدىم؟
مەن 2000 جىلداردىڭ ورتاسىندا ستۋدەنت كەزدە وسىنداي "عىلىمي ەڭبەكتەر" مول ەدى. وندا قازاقستان ءۇشىن باتىس پەن قىتايدى قاۋىپ رەتىندە سيپاتتاپ، دالەلدەيتىن. ارادا 20 جىل ءوتتى. زەرتتەۋشىلەر بۋىنى اۋىستى. سول نارراتيۆ، مەسسەدج، ارگۋمەنتتەر. وزگەرمەگەن.
قالاي دەگەنمەن، زەرتتەۋشى اعىلشىن ءتىلىن مەڭگەرۋى شارت. تەك رەسەيلىك ەڭبەكتەرگە جۇگىنبەي، جاعدايعا كەڭىرەك قاراۋى كەرەك. ءيا، مەن دە ولاردىڭ عىلىمي ماقالاسىن وقيمىن، بىراق تەك تەورياسىن الۋعا بولادى. وندا پروپاگاندا جوق.
سەبەبى سوڭعى 10 جىلداعى رەسەيلىك ساياسي عىلىمعا كرەمل پروپاگانداسى مىقتاپ ەنگەن. ءبىزدىڭ جاس زەرتتەۋشىلەر سونى وقىپ، سولارعا سىلتەمە جاساپ، ءبىزدىڭ عىلىمي كەڭىستىككە كوشىرىپ اكەلەدى. شەت تىلىندەگى مول ەڭبەك وقىلمايدى. نەگىزگى پروبلەما - وسى.
سودان كەيىن عىلىمي بەيتاراپتىقتى ساقتاۋ دەگەن ماسەلە جايىنا قالادى.
