قىسقا بەينەروليكتەردى جاساۋ جانە كورۋ بويىنشا TikTok جەتەكشى پلاتفورماسى جىل سايىن ۇيىمداستىراتىن #ۋچيتەلياكازاحستانا بايقاۋىنىڭ قورىتىندىسىن جاريالادى.
بيىل باستاما ءتورتىنشى رەت وتكىزىلىپ، قازاقستاننىڭ بارلىق وڭىرلەرىنەن مەكتەپ مۇعالىمدەرىن، كوللەدج وقىتۋشىلارىن جانە جوعارى وقۋ ورىندارىنىڭ پروفەسسور-وقىتۋشىلار قۇرامىن بىرىكتىردى. بايقاۋ پەداگوگتاردىڭ تسيفرلىق ورتادا ءبىلىم بەرۋدىڭ جاڭا فورماتتارىن دامىتۋداعى ماڭىزدى ءرولىن ايقىنداپ، ءبىلىم بەرۋ ۇدەرىسىنىڭ قىزىقتى، قولجەتىمدى ءارى زاماناۋي بولا الاتىنىن كورسەتتى.
جوبا قازاقستان رەسپۋبليكاسىنىڭ وقۋ-اعارتۋ مينيسترلىگى مەن قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ قولداۋىمەن ءوتتى. سالالىق ۆەدومستۆولارمەن ارىپتەستىك بۇل باستامانىڭ ەلىمىزدەگى تسيفرلىق ءبىلىم بەرۋ كونتەنتىن دامىتۋداعى ستراتەگيالىق ماڭىزىن جانە مۇعالىمدەردىڭ وسى ۇدەرىستەگى جەتەكشى ورنىن ايقىن كورسەتەدى.
"قازاقستان مۇعالىمدەرى" بايقاۋى وتكەن ءتورت جىل ىشىندە TikTok پلاتفورماسىندا بەلسەندى ءارى ىقپالدى پەداگوگتار قاۋىمداستىعى قالىپتاستى. وسى ۋاقىت ارالىعىندا قازاق جانە ورىس تىلدەرىندە شامامەن 100 مىڭعا جۋىق تانىمدىق بەينەروليك جاريالاندى. كونتەنت اۆتورلارى قىسقا فورماتتىڭ كۇردەلى تاقىرىپتاردى قاراپايىم ءارى تۇسىنىكتى تىلمەن جەتكىزۋگە، سونداي-اق ءارتۇرلى جاستاعى اۋديتوريانى قىزىقتىرۋعا مۇمكىندىك بەرەتىنىن ءىس جۇزىندە دالەلدەدى. الدىڭعى جىلداردىڭ جەڭىمپازدارى — بوتاگوز وماروۆا, حايدار مۋرزاحمەتوۆ, بايبولات سەيداحان, ەۆگەني سولونيتسىن جانە باسقا دا پەداگوگتار — كورەرمەندەردىڭ كەڭ قولداۋىنا يە بولىپ، ولاردىڭ بەينەروليكتەرى ونداعان، ءتىپتى جۇزدەگەن مىڭ قارالىم جينادى.
بايقاۋ قورىتىندىسى بويىنشا اۋديتوريادان ەڭ جوعارى قولداۋ تاپقان، مازمۇنى ساپالى، ادىستەمەلىك تۇرعىدان قۇندى ءارى كرەاتيۆتى ۇسىنىلعان وقىتۋ بەينەلەرىنىڭ اۆتورلارى انىقتالدى. بايقاۋ جەڭىمپازدارى:
ميرلان دجۋسامباەۆ (@physicsphenom), تاراز قالاسىنداعى جاراتىلىستانۋ-ماتەماتيكا باعىتىنداعى نازارباەۆ زياتكەرلىك مەكتەبىنىڭ فيزيكا ءپانى مۇعالىمى. ول ءوز بەينەروليكتەرىندە كۇردەلى فيزيكالىق قۇبىلىستاردى كورنەكى تاجىريبەلەر مەن ۆيزۋالدى مىسالدار ارقىلى تۇسىندىرەدى. اكادەميالىق ءبىلىم مەن پراكتيكالىق كورسەتىلىمدى ۇشتاستىرا وتىرىپ، ميرلان فيزيكانى كەڭ اۋديتوريا ءۇشىن قولجەتىمدى ءارى قىزىقتى پانگە اينالدىرادى. ونىڭ كونتەنتى وقۋشىلار مەن ستۋدەنتتەرگە عىلىمنان قورىقپاي، پانگە جاڭاشا كوزقاراسپەن قاراۋعا مۇمكىندىك بەرەدى. 2024 جىلدىڭ قورىتىندىسى بويىنشا ميرلان «TikTok-تا ۇيرەن» نوميناتسياسىنىڭ جەڭىمپازى اتاندى.
ءمادي رايىمبەك (@raiymbek.math), شىمكەنت قالاسىنداعى №25 مەكتەپ-گيمنازياسىنىڭ ماتەماتيكا ءپانى مۇعالىمى. ول قازاق تىلىندەگى بەينەروليكتەرىندە لوگيكالىق ەسەپتەر مەن كۇردەلى تاپسىرمالاردى شەشۋ جولدارىن جۇيەلى ءارى تۇسىنىكتى تۇردە ۇسىنادى. كونتەنت وقۋشىلاردىڭ اناليتيكالىق ويلاۋىن دامىتۋعا باعىتتالعان جانە باقىلاۋ جۇمىستارى مەن ەمتيحاندارعا دايىندالۋدا ءتيىمدى كومەك كورسەتەدى. ءمادي ماتەماتيكانى كۇيزەلىسسىز، پراكتيكالىق ءارى ومىرمەن بايلانىستى ءپان رەتىندە تانىستىرىپ، وقۋشىلاردىڭ قىزىعۋشىلىعىن ارتتىرىپ كەلەدى.
اسەم راحيموۆا (@rakhimovaassem), تالدىقورعان قالاسىنداعى نازارباەۆ زياتكەرلىك مەكتەبىنىڭ حيميا ءپانى مۇعالىمى. پەداگوگ كۇردەلى حيميالىق تاقىرىپتاردى مۋزىكالىق جانە كرەاتيۆتى فورماتتا تۇسىندىرۋىمەن ەرەكشەلەنەدى. اسەمنىڭ ەڭ تانىمال بەينەروليكتەرى «APT» (ROSE & Bruno Mars) ءانى جانە «بازوۆىي مينيمۋم» (SABI & ميا بويكا) ترەگى نەگىزىندە جاسالعان. ول حيميالىق بايلانىستىڭ بازالىق ۇعىمدارىن قاراپايىم تىلمەن جەتكىزىپ، نەگىزگى پرينتسيپتەردى مەڭگەرۋ ارقىلى كەز كەلگەن حيميالىق رەاكتسيانىڭ لوگيكاسىن تۇسىنۋگە بولاتىنىن كورسەتەدى. بۇل ءتاسىل ءپاندى وقۋشىلار ءۇشىن تۇسىنىكتى ءارى ەستە ساقتاۋعا جەڭىل ەتەدى.
TikTok كومپانياسىنىڭ تۇركيا، شىعىس ەۋروپا جانە ورتالىق ازيا بويىنشا وپەراتسيالىق ءبولىم باسشىسى مەليس چاگلار جوبانىڭ ماڭىزىن اتاپ ءوتتى: «"قازاقستان مۇعالىمدەرى" بايقاۋى پەداگوگتىڭ تسيفرلىق داۋىردەگى ءرولىنىڭ قالاي وزگەرىپ جاتقانىن ايقىن كورسەتەدى. بۇگىندە مۇعالىمدەر تەك سىنىپتا ءبىلىم بەرۋمەن شەكتەلمەي، ونلاين كەڭىستىكتە ميلليونداعان قولدانۋشىلاردى شابىتتاندىرىپ، اۋديتوريامەن ءوزارا ارەكەتتەسۋدىڭ جاڭا تاسىلدەرىن تابۋدا. ءبىز بۇل جوبانىڭ جىل سايىن ەلىمىزدىڭ تۇكپىر-تۇكپىرىنەن كەلگەن تالانتتى پەداگوگتاردى بىرىكتىرىپ، ولاردىڭ شىعارماشىلىق الەۋەتىن اشۋعا جانە ءبىلىم بەرۋ كونتەنتىن بارشاعا قولجەتىمدى ءارى قىزىقتى ەتۋگە ىقپال ەتىپ كەلە جاتقانىنا ماقتانامىز».
بايقاۋ قورىتىندىسى بويىنشا ءاربىر جەڭىمپاز TikTok قاۋىمداستىعى ءۇشىن ساپالى ءارى كاسىبي كونتەنت جاساۋعا مۇمكىندىك بەرەتىن قۇندى سىيلىق — iPhone 17 سمارتفونىمەن ماراپاتتالدى.
TikTok – قىسقا ۆيدەوروليكتەرگە ارنالعان جەتەكشى پلاتفورما. ءبىزدىڭ ميسسيامىز – ادامداردى شىعارماشىلىققا شابىتتاندىرۋ جانە ولارعا قۋانىش سىيلاۋ.
