قازاقستان ۇلتتىق قۇراماسىنىڭ جاتتىقتىرۋشىلار شتابى ليحتەنشتەين جانە سولتۇستىك ماكەدونياعا قارسى وتەتىن ويىندارعا ارنالعان قۇراما ءتىزىمىن جاريالادى، دەپ حابارلايدى "ادىرنا" ۇلتتىق پورتالى.
بۇل جولى كوماندا ساپىندا «جەتىسۋ» كلۋبىنىڭ قورعاۋشىسى دىنمۇحاممەد قاشكەن العاش رەت شاقىرتۋ الدى.
الايدا بۇل شەشىم جەلى جۇرتىنىڭ اراسىندا داۋ تۋدىردى. جەلىدە ونىڭ ۇلتتىق قۇراما ساپىنىڭ شاقىرتۋىن "ساتىپ العانى" تۋرالى دا ءتۇرلى پىكىر تارادى.
«قۇراماعا بلوگەردىڭ كۇيەۋىن شاقىرىپتى. كومانداسى تۋرنير كەستەسىنىڭ سوڭىندا، ءوزى بەس سارى قاعاز العان. مۇنداي قورعاۋشىعا ورىن بەرۋ دۇرىس پا؟» — دەپ جازدى ءبىر قولدانۋشى Threads جەلىسىندە.
ينستاگرام جەلىسىندە دە:
"اكەسىنىڭ اقشاسىمەن ساتىپ العان با؟", "مىقتى سپورتشىلارىمىز قايدا؟", "قايراتقا قارسى ويىنىن كوردىك قوي، 0:5 بولىپ جەڭىلدى" دەپ ءتۇرلى پىكىر قالدىرعان.
فۋتبولشى ديماش قاشكەن الەۋمەتتىك جەلىدە بلوگەر مەرەي ءابىلدىڭ كۇيەۋى رەتىندە كەڭىنەن تانىلعان. ول وتكەن ماۋسىمدا ءبىرىنشى ليگادا ونەر كورسەتەتىن «حان-ءتاڭىرى» ساپىندا ويناعان، ال بيىل تالدىقورعاندىق «جەتىسۋ» قۇرامىندا 12 ماتچ وتكىزىپ، ءبىر گول سوعىپ، ءتورت سارى جانە ءبىر قىزىل قاعاز العان.
ول قازاقستاندىق فۋتبول قۇراماسىنان بولەك، ليتۆانىڭ «جالگيريس» كلۋبتارىندا وينادى.
