قازاقستاندىق بيزنەسمەن، ءبىرىنشى پرەزيدەنت نۇرسۇلتان نازارباەۆتىڭ جيەن نەمەرەسى ءنۇرالى اليەۆ رۋحاني دامۋ مەن ءبىلىم بەرۋ باعىتىندا جاڭا باستاماعا شىقتى، دەپ حابارلايدى "ادىرنا" ۇلتتىق پورتالى.
اليەۆ Instagram پاراقشاسىندا SPARK OF LIGHT ء(«ومىر يسكراسى») جوباسىنىڭ باستالعانىن جاريالادى. جوبا اياسىندا ول جانە باسقا «گۋرۋ-جەتەكشىلەر» ادامدارعا رۋحاني جانە ءبىلىم بەرۋ پراكتيكالارىن جۇرگىزىپ، سانانى ارتتىرۋعا باعىتتالعان ءىس-شارالار وتكىزەدى.
ۇيىمنىڭ رەسمي سايتىندا كورسەتىلگەندەي، باستى ماقسات – ادامدارعا وزدەرىنىڭ شىن مانىندەگى بولمىسىن سەزىنۋگە جانە ومىرلىك جولىن سانالى تۇردە تاڭداۋعا كومەكتەسۋ.
سايتتا اتاپ وتىلگەندەي، قازىرگى جاھاندىق وزگەرىستەر كەزەڭىندە (كەيدە ونى 3D-تەن 5D-سانالىق دەڭگەيگە ءوتۋ دەپ سيپاتتايدى) ءنۇرالىنىڭ ميسسياسى – ادامدارعا جوعارى ماقساتقا جەتۋگە كومەكتەسەتىن قۇرالدار مەن تاجىريبە ۇسىنۋ.
سونىمەن قاتار، اليەۆ ءوز الەۋمەتتىك جەلىلەرىندە پسيحودەليكتەردىڭ رۋحاني دامۋ مەن سانانى ارتتىرۋداعى پايداسى تۋرالى بىرنەشە رەت جازعان.
