Qysqa beinerolikterdı jasau jäne köru boiynşa TikTok jetekşı platformasy jyl saiyn ūiymdastyratyn #UchiteliaKazahstana baiqauynyŋ qorytyndysyn jariialady.
Biyl bastama törtınşı ret ötkızılıp, Qazaqstannyŋ barlyq öŋırlerınen mektep mūǧalımderın, kolledj oqytuşylaryn jäne joǧary oqu oryndarynyŋ professor-oqytuşylar qūramyn bırıktırdı. Baiqau pedagogtardyŋ sifrlyq ortada bılım berudıŋ jaŋa formattaryn damytudaǧy maŋyzdy rölın aiqyndap, bılım beru üderısınıŋ qyzyqty, qoljetımdı ärı zamanaui bola alatynyn körsettı.
Joba Qazaqstan Respublikasynyŋ Oqu-aǧartu ministrlıgı men Qazaqstan Respublikasy Ǧylym jäne joǧary bılım ministrlıgınıŋ qoldauymen öttı. Salalyq vedomstvolarmen ärıptestık būl bastamanyŋ elımızdegı sifrlyq bılım beru kontentın damytudaǧy strategiialyq maŋyzyn jäne mūǧalımderdıŋ osy üderıstegı jetekşı ornyn aiqyn körsetedı.
"Qazaqstan mūǧalımderı" baiqauy ötken tört jyl ışınde TikTok platformasynda belsendı ärı yqpaldy pedagogtar qauymdastyǧy qalyptasty. Osy uaqyt aralyǧynda qazaq jäne orys tılderınde şamamen 100 myŋǧa juyq tanymdyq beinerolik jariialandy. Kontent avtorlary qysqa formattyŋ kürdelı taqyryptardy qarapaiym ärı tüsınıktı tılmen jetkızuge, sondai-aq ärtürlı jastaǧy auditoriiany qyzyqtyruǧa mümkındık beretının ıs jüzınde däleldedı. Aldyŋǧy jyldardyŋ jeŋımpazdary — Botagöz Omarova, Haidar Murzahmetov, Baibolat Seidahan, Evgenii Solonisyn jäne basqa da pedagogtar — körermenderdıŋ keŋ qoldauyna ie bolyp, olardyŋ beinerolikterı ondaǧan, tıptı jüzdegen myŋ qaralym jinady.
Baiqau qorytyndysy boiynşa auditoriiadan eŋ joǧary qoldau tapqan, mazmūny sapaly, ädıstemelık tūrǧydan qūndy ärı kreativtı ūsynylǧan oqytu beinelerınıŋ avtorlary anyqtaldy. Baiqau jeŋımpazdary:
Mirlan Djusambaev (@physicsphenom), Taraz qalasyndaǧy jaratylystanu-matematika baǧytyndaǧy Nazarbaev Ziiatkerlık mektebınıŋ fizika pänı mūǧalımı. Ol öz beinerolikterınde kürdelı fizikalyq qūbylystardy körnekı täjıribeler men vizualdy mysaldar arqyly tüsındıredı. Akademiialyq bılım men praktikalyq körsetılımdı ūştastyra otyryp, Mirlan fizikany keŋ auditoriia üşın qoljetımdı ärı qyzyqty pänge ainaldyrady. Onyŋ kontentı oquşylar men studentterge ǧylymnan qoryqpai, pänge jaŋaşa közqaraspen qarauǧa mümkındık beredı. 2024 jyldyŋ qorytyndysy boiynşa Mirlan «TikTok-ta üiren» nominasiiasynyŋ jeŋımpazy atandy.
Mädi Raiymbek (@raiymbek.math), Şymkent qalasyndaǧy №25 mektep-gimnaziiasynyŋ matematika pänı mūǧalımı. Ol qazaq tılındegı beinerolikterınde logikalyq esepter men kürdelı tapsyrmalardy şeşu joldaryn jüielı ärı tüsınıktı türde ūsynady. Kontent oquşylardyŋ analitikalyq oilauyn damytuǧa baǧyttalǧan jäne baqylau jūmystary men emtihandarǧa daiyndaluda tiımdı kömek körsetedı. Mädi matematikany küizelıssız, praktikalyq ärı ömırmen bailanysty pän retınde tanystyryp, oquşylardyŋ qyzyǧuşylyǧyn arttyryp keledı.
Äsem Rahimova (@rakhimovaassem), Taldyqorǧan qalasyndaǧy Nazarbaev Ziiatkerlık mektebınıŋ himiia pänı mūǧalımı. Pedagog kürdelı himiialyq taqyryptardy muzykalyq jäne kreativtı formatta tüsındıruımen erekşelenedı. Äsemnıŋ eŋ tanymal beinerolikterı «APT» (ROSE & Bruno Mars) änı jäne «Bazovyi minimum» (SABI & Mia Boika) tregı negızınde jasalǧan. Ol himiialyq bailanystyŋ bazalyq ūǧymdaryn qarapaiym tılmen jetkızıp, negızgı prinsipterdı meŋgeru arqyly kez kelgen himiialyq reaksiianyŋ logikasyn tüsınuge bolatynyn körsetedı. Būl täsıl pändı oquşylar üşın tüsınıktı ärı este saqtauǧa jeŋıl etedı.
TikTok kompaniiasynyŋ Türkiia, Şyǧys Europa jäne Ortalyq Aziia boiynşa operasiialyq bölım basşysy Melis Chaglar jobanyŋ maŋyzyn atap öttı: «"Qazaqstan mūǧalımderı" baiqauy pedagogtyŋ sifrlyq däuırdegı rölınıŋ qalai özgerıp jatqanyn aiqyn körsetedı. Bügınde mūǧalımder tek synypta bılım berumen şektelmei, onlain keŋıstıkte milliondaǧan qoldanuşylardy şabyttandyryp, auditoriiamen özara ärekettesudıŋ jaŋa täsılderın tabuda. Bız būl jobanyŋ jyl saiyn elımızdıŋ tükpır-tükpırınen kelgen talantty pedagogtardy bırıktırıp, olardyŋ şyǧarmaşylyq äleuetın aşuǧa jäne bılım beru kontentın barşaǧa qoljetımdı ärı qyzyqty etuge yqpal etıp kele jatqanyna maqtanamyz».
Baiqau qorytyndysy boiynşa ärbır jeŋımpaz TikTok qauymdastyǧy üşın sapaly ärı käsıbi kontent jasauǧa mümkındık beretın qūndy syilyq — iPhone 17 smartfonymen marapattaldy.
TikTok – qysqa videorolikterge arnalǧan jetekşı platforma. Bızdıŋ missiiamyz – adamdardy şyǧarmaşylyqqa şabyttandyru jäne olarǧa quanyş syilau.
