رەسەيدە ادام ءتارىزدى «Aidol» روبوتىنىڭ تانىستىرىلىمى ءوتتى، دەپ حابارلايدى «ادىرنا» ءتىلشىسى.
«جاڭا تەحنولوگيالىق كواليتسيا» كومپانياسى ازىرلەگەن روبوتتىڭ تانىستىرىلىمى ماسكەۋدە وتككە. كادرلاردا روبوتتىڭ بىرنەشە قادام جاساپ، قول بۇلعاعانى، سودان كەيىن تەپە-تەڭدىگىن جوعالتىپ، قۇلاعانى كورىنەدى. قۇلاعان كەزدە ونىڭ قاپتاماسىنىڭ كەيبىر بولىكتەرى سىنىپ قالعان.
كومپانيانىڭ باس ديرەكتورى ۆلاديمير ءۆيتۋحيننىڭ ايتۋىنشا، روبوت ءتۇرلى جاعدايلاردا سىنالعان، ال قۇلاۋ وقيعاسى جارىقتىڭ جەتكىلىكسىزدىگىنەن نەمەسە كەرنەۋ اقاۋىنان بولۋى مۇمكىن.
«جاعداي راسىندا وزگەشە بولدى. سونىڭ ىشىندە جارىقتاندىرۋ دەڭگەيى دە باسقاشا بولدى. مۇمكىن، كەرنەۋدە قانداي دا ءبىر اقاۋ بولعان شىعار»،- دەدى ول.
ءۆيتۋحيننىڭ مالىمەتىنشە، روبوتتىڭ 77 پايىزى وتاندىق بولشەكتەردەن جاسالعان. ول قوزعالا الادى، زاتتارمەن ارەكەتتەسىپ، سويلەسە الادى. بەت بولىگىندە 19 سەرۆوقوزعالتقىش ورناتىلعان، ولاردىڭ كومەگىمەن روبوت 12 نەگىزگى ەموتسيانى بەينەلەي الادى.
ايتا كەتەيىك، Aidol ينتەرنەتكە قوسىلماي-اق جۇمىس ىستەيدى. ول قىزمەت كورسەتۋ سالاسىندا، ونەركاسىپ پەن قوعامدىق كەڭىستىكتەردە جۇمىس ىستەۋگە ارنالعان.
