ۋكراينا استاناسى كيەۆ قالاسىندا پەرەياسلاۆ راداسىنىڭ قۇرمەتىنە ورناتىلعان ەسكەرتكىشتى بۇزۋ جۇمىستارى باستالدى. ماڭىزدى تاريحي وقيعالارعا ارنالعان مەموريال كيەۆتە حالىقتار دوستىعى اركاسىنىڭ استىندا ورناتىلعان. بۇل تۋرالى EADaily اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
ايتا كەتەيىك، پەرەياسلاۆسكايا رادا - 1654 جىلى زاپوروجە ارمياسىنىڭ وكىلى جانە ورىس پاتشاسى الەكسەي ءميحايلوۆيچتى باسشىلىققا سايلاعان كازاكتار قاتىسقان جينالىس. گەتمان بوگدان حمەلنيتسكي راداعا باستاماشى بولادى، وسىلايشا ارميانىڭ باقىلاۋىنداعى اۋماقتى رەسەي پاتشالىعىمەن بىرىكتىرەدى.
«بولشەكتەۋ بىرنەشە كۇنگە سوزىلۋى مۇمكىن، ويتكەنى قۇرىلىم وتە اۋقىمدى. ونىڭ سالماعى شامامەن، 6-7 مىڭ كگ بولاتىن 20-عا جۋىق ەلەمەنتتەن تۇرادى»،- دەپ حابارلايدى كيەۆ اكىمشىلىگىنىڭ تەلەگرام-كانالى.
كەيىن بولشەكتەلگەن ەسكەرتكىش ۋكراينانىڭ انتونوۆ اتىنداعى اۆياتسيا مۇراجايىنا جىبەرىلمەك.
