شۋشا قالاسىندا وتكەن مەديافورۋمدا ازەربايجان پرەزيدەنتى يلحام اليەۆ AZAL اۋە كومپانياسى ۇشاعىنىڭ اپاتىنا قاتىستى حالىقارالىق دەڭگەيدە ارەكەت ەتۋگە ءازىر ەكەنىن مالىمدەدى، دەپ حابارلايدى "ادىرنا" ۇلتتىق پورتالى Minval.kz-كە سىلتەمە جاساپ.
پرەزيدەنتتىڭ ايتۋىنشا، اقتاۋ ماڭىنداعى اۋە اپاتىنىڭ جاي-جاپسارى انىق. الايدا باكۋ جەتى ايدان بەرى رەسەيلىك تاراپتان ناقتى جاۋاپ الا الماعان. بۇل جاعدايدى اليەۆ «كونترونىمسىز ۇستانىم» دەپ باعالاپ، ازەربايجاننىڭ ءىس بويىنشا جەتكىلىكتى دالەلدەرى بارىن ايتتى. ەل بيلىگى حالىقارالىق ينستانتسيالاردا ءوز ۇستانىمىن قورعاۋعا دايىن.
پرەزيدەنت بۇل ءىستى مالايزيالىق Boeing ۇشاعىنىڭ اپاتىمەن سالىستىرىپ، ازەربايجان شىندىقتى دالەلدەۋ ءۇشىن قانشا ۋاقىت قاجەت بولسا دا كۇتۋگە دايىن ەكەنىن اتاپ ءوتتى.
بۇعان دەيىن Minval باسىلىمى رەسەيلىك اسكەري قىزمەتكەرگە تيەسىلى دەلىنگەن تۇسىنىكتەمە حات جاريالاعان. وندا گروزنىي ۇستىنەن ۇشىپ وتكەن ۇشاقتىڭ رەسەي قورعانىس مينيسترلىگىنىڭ بۇيرىعىمەن اتىپ تۇسىرىلگەنى ايتىلعان.
اليەۆ سوزىندە ۋكراينا حالقىنا دا ۇندەۋ جاساپ، اۋماقتىق جوعالتۋلارمەن كەلىسپەۋگە شاقىردى.
ء«بىز حالىقارالىق قۇقىق پەن بۇۇ قاۋىپسىزدىك كەڭەسىنىڭ ءتورت قارارىنا سۇيەندىك. بىراق بىزگە ءاردايىم “شىندىقپەن كەلىسىڭدەر” دەپ كەلدى. سول سەبەپتى ءبىز جاڭا شىندىقتى ءوزىمىز جاسادىق» - دەدى ول.
