Reseide adam tärızdı «Aidol» robotynyŋ tanystyrylymy öttı, dep habarlaidy «Adyrna» tılşısı.
«Jaŋa tehnologiialyq koalisiia» kompaniiasy äzırlegen robottyŋ tanystyrylymy Mäskeude ötkke. Kadrlarda robottyŋ bırneşe qadam jasap, qol būlǧaǧany, sodan keiın tepe-teŋdıgın joǧaltyp, qūlaǧany körınedı. Qūlaǧan kezde onyŋ qaptamasynyŋ keibır bölıkterı synyp qalǧan.
Kompaniianyŋ bas direktory Vladimir Vituhinnıŋ aituynşa, robot türlı jaǧdailarda synalǧan, al qūlau oqiǧasy jaryqtyŋ jetkılıksızdıgınen nemese kerneu aqauynan boluy mümkın.
«Jaǧdai rasynda özgeşe boldy. Sonyŋ ışınde jaryqtandyru deŋgeiı de basqaşa boldy. Mümkın, kerneude qandai da bır aqau bolǧan şyǧar»,- dedı ol.
Vituhinnıŋ mälımetınşe, robottyŋ 77 paiyzy otandyq bölşekterden jasalǧan. Ol qozǧala alady, zattarmen ärekettesıp, söilese alady. Bet bölıgınde 19 servoqozǧaltqyş ornatylǧan, olardyŋ kömegımen robot 12 negızgı emosiiany beinelei alady.
Aita keteiık, Aidol internetke qosylmai-aq jūmys ısteidı. Ol qyzmet körsetu salasynda, önerkäsıp pen qoǧamdyq keŋıstıkterde jūmys ısteuge arnalǧan.
