OpenAI كومپانياسى قىزمەتتەردى پايدالانۋ ساياساتىنىڭ جاڭارتىلعانىن حابارلادى. ChatGPT قوسىمشاسىنان زاڭ جانە مەديتسينا سالاسى بويىنشا كەڭەس الۋعا تىيىم سالىندى، دەپ حابارلايدى "ادىرنا".
جاڭارتۋلار ءبىلىم بەرۋ، تۇرعىن ءۇي، جۇمىسپەن قامتۋ، قارجىلىق قىزمەتتەر مەن نەسيە بەرۋ، ساقتاندىرۋ جانە "ماڭىزدى مەملەكەتتىك قىزمەتتەر" تاقىرىپتارى بويىنشا كەڭەس بەرۋگە تىيىمدى قامتيدى. سونىمەن قاتار، ChatGPT ەندى كوشى-قون جانە ۇلتتىق قاۋىپسىزدىك ماسەلەلەرى بويىنشا دا كەڭەس بەرە المايدى.
ء"بىز پايدالانۋشىلاردان قىزمەتتەرىمىزدى ءتيىستى تۇردە پايدالانۋدى تالاپ ەتەمىز، ال ءبىزدىڭ ەرەجەلەر مەن قاۋىپسىزدىك شارالارىن بۇزۋ نەمەسە ساقتاماۋ جۇيەلەرىمىزگە قولجەتىمدىلىكتى جوعالتۋعا نەمەسە باسقا دا جازا شارالارىنا اكەلۋى مۇمكىن", – دەلىنگەن كومپانيا حابارلاماسىندا.
ەندى ChatGPT رەسمي تۇردە كەڭەسشى نەمەسە كومەكشى رەتىندە ەمەس، ءبىلىم بەرۋ قۇرالى رەتىندە پايدالانىلماق.
