«سامۇرىق-قازىنا» باسقارما توراعاسى نۇرلان جاقىپوۆ پەن «قتج» باسشىسى ەلجاس وتىنشيەۆ ۇستالدى. اقپاراتتى ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى راستادى، دەپ حابارلايدى «ادىرنا» ءتىلشىسى.
ولار جەمقورلىق جاسادى دەگەن كۇدىككە ىلىنگەن.
قازىرگى ۋاقىتتا ءىس بويىنشا بارلىق ءمان-جايدى انىقتاۋعا باعىتتالعان تەرگەۋ امالدارى جۇرگىزىلىپ جاتىر.
«قىلمىستىق-پروتسەستىك كودەكستىڭ 201-بابىنا سايكەس، سوتقا دەيىنگى تەرگەپ-تەكسەرۋ بارىسى تۋرالى وزگە اقپارات جاريا ەتۋگە جاتپايدى»،– دەلىنگەن حابارلامادا.
ايتا كەتەيىك، «سامۇرىق-قازىنا» – قازاقستاننىڭ ءىرى ستراتەگيالىق كاسىپورىندارىن باسقارۋ جانە ولاردىڭ تيىمدىلىگىن ارتتىرۋ ماقساتىندا قۇرىلعان مەملەكەتتىك ءال-اۋقات قورى. قوردىڭ قۇرامىنا مۇناي-گاز، كولىك، ەنەرگەتيكا جانە تەلەكوممۋنيكاتسيا سالالارىنداعى ءىرى كومپانيالار كىرەدى. ولاردىڭ قاتارىندا «قازمۇنايگاز»، «قازاقستان تەمىر جولى»، «قازاتومونەركاسىپ»، «Air استانا»، «قازاقتەلەكوم» جانە KEGOC بار.
نۇرلان جاقىپوۆ 2023 جىلدىڭ ءساۋىر ايىندا «سامۇرىق-قازىنا» قورىنىڭ باسقارما توراعاسى بولىپ تاعايىندالعان.
ال ەلجاس وتىنشيەۆتىڭ اتالعان قىزمەتتە نەبارى 4 اي عانا جۇمىس ىستەگەن. ول بيىل 20 شىلدەدە «قازاقستان تەمىر جولى» ۇلتتىق كومپانياسىنىڭ توراعاسى بولىپ تاعايىندالعان.
